Малайзияда Ғазо учун 289 минг доллар йиғилди

17:30 13.05.2019 340

Малайзия Ташқи ишлар вазири Марзуқий Яҳё берган маълумотга кўра, мамлакатда Ғазодаги Исроил ҳужумларидан зарар кўрган шифохоналарга хайрия қилиш мақсадида 1,2 миллион Малайзия ринггити (289 минг долларга яқин) йиғилган.

Марзуқий Яҳё матбуот анжуманида Ғазо Исроил бомбардимонига учраганини ва шу аснода бир қанча касалхоналар зарар кўрганини айтди. У: «Биз Малайзиядаги Фаластин элчихонаси билан бу борада доимий алоқа олиб борамиз. Агарда лозим бўлса, бундай ёрдамни давом эттирамиз», деган.

Яҳё тиббий гуманитар ёрдам билан бир қаторда Ғазо мактабларига ҳам керакли ўқув қуролларини жўнатилишини таъкидлаган.

Марзуқий Яҳё Малайзия Фаластинга ҳам моддий ва ҳам маънавий кўмак берисини айтиб: «Малайзия ҳукумати рамазон бошида бўлган Исроил ҳужумларни қоралайди» деган.

Azon.uz янгиликларини Telegram'да ҳам кузатиб боринг!