«Мана кўрасиз Россияда рўмол ўраш мода бўлади»

15:00 05.12.2018 2223

Мода эксперти Александр Васильев Россияда келажакда мусулмонча услубдаги рўмоллар мода бўлишини айтмоқда.

“Келажакда аёллар жон-жон деб рўмол ўраб юрадиган бўлади”, дейди Россиялик мода эксперти ва мода тарихчиси, санъатшунос Александр Васильев.

“Бугун исталган модалар сайтини очсангиз, янги йил учун энг оммавий маслаҳат – қандай қилиб рўмол ўраш. Мен буни беш йил олдин айтгандим. Ўшанда менга – биз барибир рўмолда юрмаймиз дейишганди. Мен эса – жон деб рўмол ўраб юрасизлар дегандим. Мусулмонлар кўп бўлган малакатда эртами-кечми шундай услуб мода бўлиши аниқ. Россияда эса мусулмонлар кўп”, – дейди Васильев.

Эслатиб ўтамиз, Александр Васильев Россиянинг “Биринчи канали”ида “Модный приговор” телекўрсатувини олиб боради. Васильев ҳар доим Ўзбекистонда ишлаб чиқилган анъанавий матолар, кийимларни жуда юқори баҳолайди. Ундан ташқари у ҳар йили мода оламида ишлайдиган бир гуруҳ мутахасисслар билан Ўзбекистонга саёҳат қилади.

Azon.uz янгиликларини Telegram'да ҳам кузатиб боринг!