Telegram каналимизга аъзо бўлинг
Иймон

Менга ёлғончи онам керак

2126

Саккиз ёшли болажоннинг онаси вафот этганидан сўнг дадаси фарзандини ёлғиз қолишидан қўрқиб, она меҳридан айрилиб қийналиб қолмасин деб, бошқа аёлга уйланди. 

Орадан бир неча кун ўтгач ота фарзандини бағрига босиб, эркалаб: 

– Тойчоғим, янги онанг билан аввалги онангни орасида қандай фарқ бор, деб сўраб қолди. 

Бола жуда ҳам беғуборлик билан жавоб берди: 

– Ҳақиқий онам менга ёлғон гапирардилар, аммо иккинчи онам ҳамма айтган гапларида содиқ турадилар. 

Ота таажжубланиб сўради: 

– Қанақасига, болажоним? 

Ўғил: 

– Ўйнаб ўтирганимда онамга ёқмайдиган иш қилсам, менга айтардилар: 

"Агарда қулоқ солмасликни бас қилмасанг ва менга зулм қилаверсанг сенга овқат бермай қўяман", дердилар... гапларига парво ҳам қилмасдим. Баъзан, кўчада кўп ўйнаб қолиб кетсам, чиқиб мени кўчама-кўча излардилар, мени топмагунларича оёқлари қаерга бошласа ўша ерга кетаверардилар. Ва ниҳоят мени топганларидан кейин юз кўзларимдан ўпиб, мени уйга олиб борардилар ва мазали таомлари билан сийлардилар. 

Энди эса янги онам, "агар ўйинни бас қилмасанг сенга овқат йўқ", дедилар. Мана икки кундан бери қорним оч, жуда қийналиб кетдим дада....! 

Менга ёлғончи онамни қайтариб беринг, илтимос дада. Ёлғончи онамни соғиндим дея йиғлаб юборди...

("Келинчак" журналидан)

УЛАШИНГ:

Теглар:

Мавзуга доир:

Ироқда юзлаб бола коронавирусга чалинди

171 19:00 27.02.2021

"Ҳар бир исмдан фарзандларимизга насиба бордир"

581 12:28 27.02.2021

Исроил ўғирланган болалар учун товон тўлайди

682 17:30 23.02.2021

Қирғизистон. Болалар ўртасида пневмония тарқалди 

812 15:05 19.02.2021

Нигерияда мактаб ўқувчилари ўғирлаб кетилди

553 22:12 17.02.2021

Янгийўлда номаълум эркак 8 ёшли болани ўғирламоқчи бўлган – ИИББ изоҳи

1228 11:40 03.02.2021
« Орқага