Янгиликлар

Мисрда "Ўзбекистон куни" ўтказилди

1057

Миср Араб Республикаси пойтахти Қоҳира шаҳрида таҳсил олаётган ўқувчи ва талабалар 14-январ, “Ватан ҳимоячилари куни” муносабати билан "Нил" араб тили ўқув марказида "Ўзбекистон куни" тадбирини ўтказишди.

Мазкур марказ Қоҳира шаҳрининг Наср шаҳарчасидаги 7-туманда жойлашган бўлиб, у ерда турли давлатлардан келган ўқувчи ёшлар қаторида ўнлаб юртдошларимиз ҳам араб тилини ўрганмоқдалар. 

Кўтаринки руҳда ўтган ушбу тадбирга Миср Араб Республикасидаги Ўзбекистон Республикаси элчихонасидан сиёсий маслаҳатчи Бахтиёр Ирисов ва мазкур элчихона консули Дурбек Холбековлар ташриф буюришди. Тадбирни ташкил этишда Ўзбекистон Ёшлари Халқаро Ассоциациясининг Мисрдаги бўлими раиси Улуғбек Жиянов яқиндан ёрдам берди ва унда Қоҳира университети магистранти Ҳусайнхон Яҳё Абдулмажид, шунингдек,  Ал-Азҳар ислом университети талабалари "Нил" ўқув марказида таҳсил олаётган ёш ўқувчилар тайёргарлигида алоҳида жонбозлик кўрсатишди. 

Йиғилганларга Ватанимиз тарихи, улуғ алломаларимиз ҳаёти ва улар қолдирган бой мерос ҳақида батафсил маълумот берилди. Тадбир тўлиқ араб тилида бўлиб, ёш иштирокчиларнинг нутқлари, айниқса алломалар сиймосини гавдалантириб тайёрлаган саҳна кўриниши барча йиғилганларда илиқ таассурот қолдирди. Тадбирнинг иккинчи қисмида Ўзбекистон тарихи ва маданиятига оид мўъжаз кўргазма ўтказилди. Бадиий қисмдан сўнг йиғилганларга турли миллий таомларимиз тортиқ қилинди.

Қадим Мисрда таълим олаётган укаларимиз, фарзандларимизга Аллоҳдан зеҳнлари ўткир, илмлари зиёда ва соғ-саломат бўлишларини тилаймиз.

УЛАШИНГ:

Теглар:

Мавзуга доир:

Мусаддиқ, Мендерес ва Мурсий: қатл этилган мусулмон арбоблар

1390 19:47 08.09.2020

Баҳрайн ҳам Исроилни тан олади, лекин шарти бор

1192 20:10 03.09.2020

Миср сайёҳлар учун мамлакатга кириш қоидаларини ўзгартирди 

345 08:00 22.08.2020

Нега Саудия, Миср ва БАА Туркия билан келиша олмаяпти?

4681 17:10 17.08.2020

...Покиза эмасмисан, қизим?

6925 23:05 14.08.2020

Тарихда бугун: Қоҳирада қон тўкилди

999 20:00 14.08.2020
« Орқага