Мисрга қочиб келган уйғурлар Хитойга топшириляпти

18:45 20.08.2019 2971

Мисрга қочиб келган уйғурларнинг Хитой томонидан қўлга олиниши ва тергов қилинишига Миср ҳукумати кўз юммоқда. Бундан ташқари, уйғур талабалар сиёсий маҳбуслар сақланадиган Қоҳирадаги “Тора” қамоқҳонасига жўнатиляпти.

Норвегияда яшовчи уйғур фаоли Абдулвали Аюбнинг “Евроньюс”га айтишича, Мисрда яшаган 6 минг уйғурдан ҳозирга келиб фақатгина 50 оила қолган.

Хитой полицияси Қоҳирада юзлаб уйғур талабани тергов қилган. 2017 йилда аксари Ал-Азҳар университетида ўқийдиган 90 уйғур ҳибсга олинган. Ўша йили Миср ва Хитой терроримзга қарши ҳамкорликда кураш бўйича келишув имзолади.

Хитой Миср иқтисодиётига катта инвестициялар киритяпти, икки давлат ўртасидаги савдо ҳажми 2018 йилда 12,3 миллиард еврога етган.

Абдулвали Аюбнинг айтишича, ўз ҳудудидаги уйғурларнинг тергов қилинишига рухсат бераётган давлатларни Хитой қуруқ қўймаяпти. 

Azon.uz янгиликларини Telegram'да ҳам кузатиб боринг!