Муҳаммад ибн Салмон Жанубий Осиё бўйлаб турне ўтказмоқда: Покистонга ташриф

18:00 18.02.2019 630

Саудия Арабистони валиаҳд шаҳзодаси Муҳаммад ибн Салмон 2 кунлик расмий ташриф билан Покистонга ташриф буюрди. Маҳаллий оммавий ахборот воситаларининг хабар беришича, аэропортда валиаҳд-шаҳзодани Покистон Бош вазири Имрон Хон кутиб олган.

Бугун, 18 февраль куни Муҳаммад ибн Салмон бир қатор покистонлик сиёсатчилар, шунингдек Президент Ариф Алви билан ва Покистон армияси бош штаби бошлиғи, генерал Қамар Баджву билан учрашув ўтказади. Учрашув давомида икки тарафлама англашув меморандумлари ва иқтисодий инвестициялар алмашинуви бўйича шартномалар имзоланиши режалаштирилган.

Покистонга расмий ташриф ниҳоясига етгач, валиаҳд шаҳзода Ҳиндистон ва Хитойга ҳам ташриф буюриши режалаштирилган. Аввалроқ, турне давомида Муҳаммад ибн Салмоннинг Малайзия ва Индонезияда ҳам бўлиши айтилган эди. Лекин бу ташрифлар, ҳеч қандай изоҳ берилмасдан бекор қилинди.

Azon.uz янгиликларини Telegram'да ҳам кузатиб боринг!