Telegram каналимизга аъзо бўлинг
Илм

Намоздан кейин дуо қилмай, туриб кетадиганларга эслатма

10584

Аллоҳни зикр қилинса, юраги сиқилиб, ушбу зикрдан қочган қайси мўъмин одамни кўргансан!

Мана шу мени жуда ҳайратга солган нарсадир. 

Бундан ҳам ажабланарлиси, уларнинг "Одамлар масжидда намоздан кейин дуо қилишлари шариатда борми", - деб сўрашидир. 

Расулуллоҳ соллаллоҳу алайҳи ва саллам ҳар намоз сўнгида дуо қилган кишиларнинг сайиди саналади. 

Имом Муслимнинг "Саҳиҳ"ида Саъд ибн Аби Ваққосдан ривоят қилган ҳадисда, у киши фарзандларини жамлаб ушбу дуони ўргатганлар, кейин Расулуллоҳ соллаллоҳу алайҳи ва саллам ҳар намоз сўнгида шундай дуони қилар эдилар, деганлар:

‎اللهم إنى أعوذ بك من الهم والحزن وأعوذ بك من العجز والكسل وأعوذ بك من الجبن والبخل. 

Расулуллоҳ соллаллоҳу алайҳи ва саллам Роббидан ривоят қилган ҳадисни эшитмаганмисан:

˝Бандам мени зикр қилса, мен у билан биргаман. Мени бир ўзи зикр қилса, мен ҳам уни бир ўзим зикр қиламан. Агар омма орасида зикр қилса, мен ҳам уни оммасидан яхшироқ йиғинда зикр қиламан˝.  

Омма одамлар орасида зикр қилиш қандай бўлади, бир дўстингни иймонда топиб улар билан бирор уйда, кўчада ёки масжидда ўтирганингда Аллоҳни дуо билан ёки тасбиҳ ва таҳлил билан ёки Аллоҳнинг Китобини ўқиш билан зикр қилишингдир. 

Мен кўп марта айтганман:

Зайд ибн Собитдан бир одам масала сўраб келганида, у киши: “Абу Ҳурайра розияллоҳу анҳунинг олдиларига олиб боринг”, дедилар. Мен Абу Ҳурайра ва фалончи фалончи билан бирга Расулуллоҳ соллаллоҳу алайҳи ва саллам масжидларида мана шундай ўтирган эдик. Бизлардан биримиз дуо қилар, қолган икки киши ˝омийн˝ деб турар эди. Кейин ёнидаги дуо қилар, қолганлар ˝омийн˝, дер эди. Шу ҳолатда Расулуллоҳ соллаллоҳу алайҳи ва саллам бизларни олдимизга кириб келдилар, биз тўхтадик. Олдимизга ўтириб, "Қилаётган ишингизга қайтиб давом эттиринглар" - дедилар”. 

Ўйлаб кўринглар, эй дўстларим! Саҳобалардан бўлган ушбу кишилар Расулуллоҳдан эшитмаган нарсани қилишлари, яъни уч киши тўпланиб, уларнинг бири дуо ўқиса, бошқалари "омийн" деб туриши кейин олдидагига навбат тегиб, у дуо қилиб қолганлари "омийн" деб туришларини эсланг... 

Уларнинг хаёлига бир нарса келди ва Расулуллоҳ соллаллоҳу алайҳи ва салламдан таълим олмасдан бу ишни қилдилар. 

Энди Расулуллоҳ бугунги баъзи одамларга ўхшаб уларга: “Бу бидъат нимаси?! Мен сизларга бундай дуо қилишни ўргатганмидим?! Бундай йиғилишни таълим берганманми?!" - дейишлари лозим эдими? Лекин Расулуллоҳ соллаллоҳу алайҳи ва саллам ундай демадилар-ку? Улар олдига ўтириб: "Қилаётган ишингизга қайтиб давом эттиринглар”, дедилар-ку?

Навбат Абу Ҳурайрага етганда, у киши: ˝Аллоҳим, Сендан унутилмайдиган илм беришингни сўрайман˝, деб бошланадиган дуони охиригача айтиб дуо қилдилар, Расулуллоҳ солаллоҳу алайҳи ва саллам қолган икки киши билан биргаликда "омийн" деб турдилар.

Имом Бутий

(Абдуллоҳ Ғуломов таржимаси)

УЛАШИНГ:

Теглар:

Мавзуга доир:

Ибн Халликон лақаби билан машҳур бўлган олим

804 21:05 29.07.2021

Ҳаётимда ўчмас из қолдирган Аллома...

1579 14:05 25.07.2021

Илмни ёдлаш муҳимми ёки фаҳмлаш?

472 15:00 14.07.2021

Қоматни жарроҳлик ёрдамида чиройли қилиш ҳукми

1694 18:55 20.06.2021

Шайх Абдулфаттоҳ Абу Ғудда: «Саҳифалар» (72-қисм)

812 16:55 20.06.2021

Шайх Абдулфаттоҳ Абу Ғудда: «Саҳифалар» (71-қисм)

1372 22:15 19.06.2021
« Орқага