Telegram каналимизга аъзо бўлинг
Иймон

Насронийни мусулмонга айлантирган салом

9280

Бу воқеани Маҳмуд Асъад Жўшон ҳазратлари ўз асарларида келтирадилар:

Германиядаги оёқ кийим ишлаб чиқарувчи корхонада бир турк йигити ишлар эди. Ҳаж мавсуми яқинлашганида йигит корхона хўжайинига анчадан бери ният қилгани – ҳажни адо этиш истаги борлигини айтиб, рухсат сўради. Корхона хўжайини Ханс насроний эди. Хизматчисининг сўзларини эшитиб:

– Биласан, ҳозир маҳсулотимиз сотув ишларининг айни мавсуми. Мавсум тугасин, бораверасан. Каъба кетиб қолмайдику?!

Хизматчи йигит ҳаж фақат белгиланган кунлардагина адо этилишини, бошқа пайтлардаги ибодат ҳаж бўлмаслигини бир амаллаб тушунтиргач, хўжайини:

– Майли фақат бир шарт билан рухсат бераман. Пайғамбарингизнинг қабри олдига борганда менинг ҳам саломимни етказасан, – деди.

Ходим хурсанд бўлиб муборак сафарга отланди-ю, фақат мусулмон бўлмаган раҳбарининг саломини Расулуллоҳ солаллоҳу алайҳи васалламга қандай етказишини ўйлаб қолди. Мадинаи мунавварага етиб келиб, Равзаи муборакка кирди. Сарвари олам соллаллоҳу алайҳи васалламга саловотлар айтиб, салом берди. Сўнгра омонат қолдирган яқинларининг саломларини бирма-бир йўллади. Якунда ғайридин раҳбарининг саломини эслаб, оғир аҳволда қолди: “Расулуллоҳга қандай етказаман, ахир у мусулмон бўлмаса….”   Минг истиҳола ичра ҳужраи саодатга боқиб, айбдорлардек шивирлади: “Ё Расулуллоҳ! Сизга бир Ханс исмли киши ҳам салом йўллади. Фақат у мусулмон эмас, насроний бир киши…”

Сўнгра ибодатларга киришиб, ҳажни адо этди. Истанбул орқали Германияга қайтаркан, ҳамкасбларини учратиб қолди.

– Янгиликни эшитдингми? дея сўрашди ундан.

– Йўқ. Қандай янгилик?

– Ханс мусулмон бўлди….

Йигит донг қотиб қолди. Исломга кирган вақтини сўраб суриштирса айни саломини Фахри коинот алайҳиссаломга етказган куни эди.

Субҳаналлоҳ. Бир ғайридин кишининг Расулуллоҳга эҳтироми сабаб Аллоҳ уни ҳидоят билан, дунёдаги энг улуғ неъмат — иймон неъмати билан мукофотлаб қўйса…

Манба

УЛАШИНГ:

Теглар:

Мавзуга доир:

Мусулмон ва насроний фаластинликлар ишғолга қарши бирлашди

1389 18:15 22.02.2022

Франция Яқин Шарқдаги насроний мактабларига моддий ёрдамни кўпайтиради

671 16:30 02.02.2022

Германияда насронийликнинг аҳамияти озайиб бормоқда

2144 16:35 22.12.2021

Британия: терактни насроний қилди, балога қолган мусулмонлар бўлди

1891 07:48 19.11.2021
« Орқага