Нигериянинг марказий қисмида жойлашган Плато штати маркази Жосе шаҳрида 23 нафар мусулмон ўлдириб кетилди. Reuters хабарига кўра, улар Баучи штатидаги диний маросимдан ўзлари яшайдиган Ондо штатига қайтаётган бўлган.
Маълум бўлишича, зиёратчилар кетаётган автобусга қуролланган номаълум шахслар ҳужум қилган. Мамлакат президенти Муҳаммаду Бухорий зиёратчилар айнан мусулмон бўлгани учун ўлдирилганини маълум қилди.
«Кўриниб турибдики, бу шунчаки пистирмага тушириш эмас, балки яхшилаб ўйланган ҳамда саёҳатчиларнинг диний эътиқоди туфайли аниқ жойда аниқ нишонга қаратилган, олдинган режалаштирилган ҳужумдир», – деди у.
Плато штати губернатори эса Саймон Лалонг ушбу ҳодиса юзасидан 20 киши қўлга олинганини ва ҳужум юз берган ҳудудда комендантлик соати жорий этилганини билдириб, жиноятга диний ёки этник тус бериш нотўғри эканлигини таъкидлади.
