Исроил армияси Суриядаги Дамашқ аэропортига ҳаводан зарба берди, деб хабар бермоқда Суриянинг SANА ахборот агентлиги ҳарбий манбаларга таяниб.
Агентлик маълумотларига кўра, ҳаво ҳужуми сешанбага ўтар кечаси маҳаллий вақт билан соат 02.00 да амалга оширилган.
Башар Асад режимининг икки аскари ҳалок бўлгани ҳақида хабар берилган. Аэропорт фаолияти тўхтатилди.
Дамашқ яқинида бир қатор ҳарбий иншоотлар, жумладан Эрон Ислом инқилоби қўриқчилари корпуси ва Ливаннинг Ҳизбуллоҳ гуруҳи жойлашган.
Исроилнинг Дамашқ минтақасига аввалги зарбаси 20 декабрь куни қайд этилган эди.
Исроил расмийлари Сурияга қилинган ҳужумларга изоҳ беришдан тийилмоқда.
Сурияда фуқаролар уруши бошланганидан бери Исроил Эрон томонидан қўллаб-қувватланган гуруҳлар ва Асад режимининг ҳарбий объектларига вақти-вақти билан зарбалар бериб келмоқда.
