Орзу деб нимага айтилади?

23:00 29.01.2018 587

Етишиб бўлмас нарсалар ҳақидаги ўйлар, хаёлларга орзу дейилади.

Динимизда нақд нарсаларни қўйиб, ушалмас орзулар кетидан қувиш қораланади. Буни саробга ҳам ташбеҳ қилинади.

Бир ҳакимдан сўрадилар: яхши одам ким?
-«Қанийди ёшилигим қайтиб келсайди» дейишдан олдин ёшлигини ғанимат билган киши бахтли кимсадир, деди у.

Қилиш, топиш мумкин бўлган нарсалар вақт ўтгандан кейин орзуга айланади. Шунинг учун дам ғанимат.

يَا لَيْتَنِي كُنْتُ مَعَهُمْ فَأَفُوزَ فَوْزًا عَظِيمًا

73.«...Қани эди мен ҳам улар билан бўлганимда, улуғ зафар қозонар эдим», дейди. Нисо сураси.

يَا لَيْتَنَا نُرَدُّ وَلَا نُكَذِّبَ بِآيَاتِ رَبِّنَا وَنَكُونَ مِنَ الْمُؤْمِنِينَ

27.«...Қани энди (у дунёга) қайтарилсак эди, Роббимизнинг оятларини ёлғонга чиқармас эдик ва мўминлардан бўлар эдик», дейишларини кўрсанг эди. Анъом сураси.

يَا لَيْتَنِي لَمْ أُشْرِكْ بِرَبِّي أَحَدًا

42.«...Қани энди Роббимга ҳеч кимни шерик қилмаганимда», деб қолаверди. Каҳф сураси.

يَا لَيْتَنِي اتَّخَذْتُ مَعَ الرَّسُولِ سَبِيلًا

27.«...Эй воҳ!!! Пайғамбар ила бир йўлни тутганимда эди!» дер. Фурқон сураси.

يَا وَيْلَتَىٰ لَيْتَنِي لَمْ أَتَّخِذْ فُلَانًا خَلِيلًا

28.«...Эй воҳ!!! Кошки фалончини дўст тутмасам эди». Фурқон сураси.

يَا لَيْتَنَا أَطَعْنَا اللَّهَ وَأَطَعْنَا الرَّسُولَا

66.«...Вой шўримиз қурсин, кошки Аллоҳга итоат қилсак эди, Расулига итоат қилсак эди», дерлар. Аҳзоб сураси.

يَا لَيْتَنِي لَمْ أُوتَ كِتَابِيَهْ

25. «...у, вой шўрим, кошки менга китобим берилмаса эди». Ҳааққоҳ сураси.

يَا لَيْتَنِي كُنْتُ تُرَابًا

40.«...кошки тупроқ бўлиб кетсам», –дейдир. Набаа сураси.

يَقُولُ يَا لَيْتَنِي قَدَّمْتُ لِحَيَاتِي

24. «У, афсуски, (охират) ҳаётимга ҳам бирор нарса тақдим қилсам бўлар экан, дейдир». Фажр сураси.

Қуръони каримдаги юқоридаги «ушалмас орзулар» ҳаёт бўлган кишининг қўлида нақд, вафот бўлганларга эса орзу бўлган ишлардир.

Ҳаёт эканмиз, ундан фойдаланиб қолайлик.

Нақдингизни орзуга айлантирманг!

Равшанбек ЎРИНБОЕВ

Манба: ЎМИ расмий сайти

Azon.uz янгиликларини Telegram'да ҳам кузатиб боринг!