Эрон Ислом Республикасининг олий раҳбари Оятуллоҳ Aли Хоманаий намойишчиларни террорчилар билан таққослаб, "Басиж" кўнгилли ҳарбийлари мамлакатни исёнчилардан қутқарганини айтди. “Басиж” Ислом инқилоби қўриқчилари корпусига бўйсунади ва норозилик намойишчиларига қарши курашда иштирок этган.

"Муаммо тартибсизликларда эмас. Ҳар бир исёнчи, ҳар бир террорчи жазоланиши керак. Жанг майдони анча кенгроқ, бизнинг асосий душманимиз глобал такаббурликдир", деган Оятуллоҳ. У яна AҚШни Эронда ҳокимиятни ўзгартиришга уринишда айблади.

Ҳуқуқ ҳимоячиларининг сўзларига кўра, норозилик намойишлари пайтида 450 га яқин киши ҳалок бўлган, 18 мингдан ортиқ киши ҳибсга олинган.