Би-би-си хабарига кўра, даниялик рассом Курт Вестергор якшанба куни 86 ёшида ўлди. У 2005 йилда Jyllands-Posten газетасида Муҳаммад алайҳиссаломни таҳқирлаб чизган карикатурасини чоп эттирган ва шу орқали танилган эди. Хабарда айтилишича, рассом узоқ вақтдан бери касал бўлган.
Исломофоб Вестергорнинг карикатуралари мусулмон мамлакатларда норозилик намойишларига ва Дания элчихоналарига ҳужумларга туртки берди. Тартибсизликларда ўнлаб киши ҳалок бўлди. Дания хавфсизлик кучлари рассомни мунтазам қўриқлаб келди, Вестергор доимий равишда яшаш жойини ўзгартиришга мажбур бўлди.
У мусулмонларни ғазабга келтирган карикатураларни чизганидан афсусда эмаслигини, “бу карикатуралар Ғарбдаги секуляр қадриятлар тизими ичида исломнинг ўрни” ҳақида баҳс-мунозаларни бошлаб берганини айтган эди.
