Telegram каналимизга аъзо бўлинг
Янгиликлар

Покистон собиқ бош вазири отишмага учради

1273

Покистоннинг собиқ бош вазири Имрон Хон бугун мамлакат шарқида ҳукуматга қарши намойишчилар карвони ҳужумга учради. Унинг ёрдамчилари аниқ суиқасдга уриниш бўлганини таъкидлашди.

Карвондаги яна бир неча киши яраланган, ахборот вазири эса гумондор ҳибсга олинганини айтган. Партия аъзоларидан бири бир киши ҳалок бўлгани ҳақида хабарлар борлигини маълум қилган.

«Бу аниқ суиқасд эди. Хон яраланган, аммо унинг аҳволи барқарор. Кўп қон кетган эди», дейди Хоннинг Покистондаги Теҳрик-э-Инсаф (PTI) партияси вакили Фавад Чаудри Рейтер агентлигига.

«Агар отишмани у ердаги одамлар тўхтатмаганида, PTI раҳбарияти бутунлай йўқ қилинган бўлар эди».

Маҳаллий оммавий ахборот воситалари 70 ёшли Хон отишмадан кейин машинасидан эвакуация қилинганидан кейин оломонга қўл силкитгани суратларини кўрсатган.

PTI раҳбарлари адолат талаб қилар экан, мамлакатнинг айрим ҳудудларида намойишчилар кўчаларга чиқди.

Пойтахт Исломободдан қарийб 200 километр узоқликдаги Вазирободда ҳужумга учрагач, у Лаҳордаги шифохонага етказилган.

Покистон узоқ вақтдан бери сиёсий зўравонлик тарихига эга. Собиқ Бош вазир Беназир Бхутто 2007 йилнинг декабрида Исломобод яқинидаги Равалпинди шаҳрида сайловолди митинги ўтказгандан сўнг ўқотар қурол ва бомба портлаши оқибатида ҳалок бўлган эди.

Унинг отаси ва собиқ бош вазир Зулфиқор Али Бхутто 1979 йилда ҳарбий тўнтариш натижасида ағдарилганидан сўнг худди шу шаҳарда осиб ўлдирилган эди.

Собиқ крикетчи Имрон Хон Исломободда муддатидан олдин сайловлар ўтказиш талаби билан юзлаб одамлар қатнашган норозилик маршини ўтказганди.

УЛАШИНГ:

Теглар:

Мавзуга доир:

Канада 10 000 мусулмон уйғурни кўчиришни таклиф қилмоқда

668 22:10 02.02.2023

Самарканд Эрон ва Мовароуннаҳрнинг форс тилли шоирлари шеърларида

298 21:35 02.02.2023

Масхаралашми ёки сўз эркинлиги?

479 21:07 02.02.2023

Юрагини бўйсундиролмаётган аёл

895 20:05 02.02.2023

Тазйиқ ва қўрқув: Моди даврида ҳиндистонлик мусулмонлар ҳаёти

664 18:45 02.02.2023

Қуръон сура ва оятларини кириллчада ёзиб ёдласа бўладими?

1453 17:20 02.02.2023
« Орқага