Telegram каналимизга аъзо бўлинг
Янгиликлар

Президент Садир Жапаров КХШТ саммитида қирғиз-тожик муносабатлари кескинлигига тўхталди

2059

Қирғизистон Республикаси Президенти Садир Жапаров бугун, 16 сентябр куни Коллектив хавфсизлик кенгашининг (КХШТ) Душанбедаги сессиясида қирғиз-тожик давлат чегараси масаласини кўтарди.

Унинг таъкидлашича, қирғиз-тожик давлат чегараси чизиғида давом этаётган кескинлик қирғиз томонини Ташкилотга аъзо барча давлатларнинг алоҳида эътиборига қаратишга мажбур қилади.

«Қирғизистон Республикаси тинчликсевар, очиқ ва демократик давлат бўлиб, мустақилликнинг дастлабки кунларидан қўшни давлатлари ва умуман олганда дунёнинг барча давлатларига нисбатан, изчил, дўстона, яхши қўшничилик ва мувозанатли сиёсат олиб борди ва олиб бормоқда. Қирғизистоннинг давлатлар ўртасидаги мунозарали масалаларни фақат тинч йўллар ва сиёсий-дипломатик усуллар билан музокара столида ҳал қилиш зарурлиги ҳақидаги позицияси ўзгармаган», дея таъкидлаган Садир Жапаров.

Президент минтақадаги вазиятни инобатга олган ҳолда, КХШТга аъзо давлатнинг ташкилотга аъзо бўлган бошқа давлатга қуролли тажовуз қилинган тақдирда Ташкилот ичида тезкор жавоб бериш ва қарор қабул қилиш механизмларини ишлаб чиқиш каби бир қатор таклифларни билдирди.

Президент Содир Жапаров, шунингдек, КХШТга аъзо давлатлар раҳбарларининг эътиборини қирғиз томони ўз фаолиятининг самарадорлигини таъминлаш учун Ташкилотдаги шериклари билан ўзаро манфаатдор барча масалалар бўйича стратегик мулоқотни давом эттириш ниятида эканига қаратди.

УЛАШИНГ:

Теглар:

Мавзуга доир:

Оғзи куйган қатиқни ҳам пуфлаб ичади...

1084 13:30 23.01.2023

Президент "Док-1 МАКС" фожиаси ҳақида: “Бунга йўл қўйганларнинг ҳаммаси қонун олдида жавоб беради!"

1181 23:16 30.12.2022

Давлатимиз раҳбари Санкт-Петербург шаҳрига жўнаб кетди

466 10:46 26.12.2022

Қозоғистон Президенти давлат ташрифи билан Ўзбекистонга келди

560 19:15 21.12.2022

Дунёнинг «энг қашшоқ» президенти

2348 19:55 15.12.2022

Аргентина: суд собиқ президентга қамоқ жазоси тайинлади

673 19:35 07.12.2022
« Орқага