Янгиликлар

Президент Ўзбекистондаги энг оғир масала ҳақида айтиб ўтди

1627

Тошкент шаҳрида Олий Мажлис Қонунчилик палатаси ва Сенатининг қўшма мажлиси бўлиб ўтмоқда. Унда 97 нафар сенатор ва 150 нафар депутатлар иштирок этяпти.

Қўшма мажлисда Ўзбекистон Республикаси президенти Шавкат Мирзиёев иштирок этиб, маъруза қилмоқда.

Kun,uz'нинг хабар беришича,  Давлат раҳбари ўз нутқида Ўзбекистонда муаммоли ҳисобланган энг оғир масалаларга тўхталиб ўтди:

«Бизда муаммолар кўп, бу муаммоларни сизлар ҳам билишингиз керак. Такрор-такрор айтаман: оёғимиз ердан узилмасдан, ҳали энди-энди биринчи қадамлар қўйяпмиз, лекин халқимизга бир нарсага ташаккур айтишимиз керакки, бизнинг биринчи қадамларимизга халқимиз ишона бошлаяпти. Халқимизга яна бир бор ўз миннатдорчилигимни билдирмоқчиман.

Бугунги кунда энг катта, оғир масалалар ёқилғи-энергетика соҳасида. Сизларга ростини айтмоқчиман: биз ёқилғи-энергетикада ҳали биринчи қадамларимизни ҳам амалга ошира олмаяпмиз. Тўғри, стратегия қабул қилдик, лекин уларни амалга ошириш бўйича, коррупцияни йўқ қилиш бўйича, ҳисоб-китобни жойига қўйиш бўйича ҳали ишларимиз мутлақо қониқарли эмас, десак адолатдан бўлади. Коррупция жуда кўп, порахўрлик жуда кўп, шунинг учун депутатлар ҳам, сенаторлар ҳам, ҳокимлар ҳам ёқилғи-энергетика соҳасига жуда катта эътибор бериши керак. Нега десангиз, ёқилғи-энергетикани жой-жойига қўймаганимизча саноатни, иқтисодиётни ривожлантириш жуда оғир бўлади. Минг афсус, йиллар давомида бу соҳалар коррупция билан ботқоққа тушиб кетган соҳалар, десак бу ҳам адолатдан бўлади. 

Биринчи, ёқилғи-энергетика, геология. Бундан 30-40 йил олдин Ўзбекистон геология бўйича жуда катта илмий салоҳиятга эга бўлганди. Минг афсуски, бу илмий салоҳият йўқ бўлди, десак бу ҳам адолатдан. 25 йил давомида биронта одам геология билан шуғулланмади. Бор илмий салоҳиятни йўқ қилдик. Бу соҳанинг кадри ҳам йўқ, илмий гуруҳлар, академиклар йўқ. Буни ҳам билишингизлар керак. Ура-ура қилиб, қонун қабул қилиш керак деб иш қилманглар. Қонун қабул қилганда ҳам виждондан ўтказинглар: хўш, бу қонунни ким бажаради?!

Шунинг учун, энергетикадан кейин энг катта оғир соҳамиз геология, транспорт, темир йўлларимиз ҳам, ҳаво йўлларимиз ҳам дунё ҳамжамиятига, умуман, ҳозирги ислоҳотларимизга мутлақо тўғри келмайди. Қайсидир соҳа бўйича салгина йўналиш қилган бўлсак, лекин транспорт соҳаси бўйича ҳали биринчи қадам ҳам қўйганимиз йўқ. Йўл қурилиши бўйича аҳволимиз жуда ҳам... умуман, қурилиш ва йўл қурилиши бўйича аҳволимиз яхши эмас, ичимлик суви таъминоти бўйича катта-катта қарорлар қабул қилишимиз керак, узоқ-узоқ қишлоқларда одамларнинг норозилиги ҳам мана шу масалаларга жуда кўндаланг десак, бу ҳам тўғри бўлади», - деди давлат раҳбари.

УЛАШИНГ:

Теглар:

Мавзуга доир:

Ўзбекистонда «Ҳалол стандарти» жорий этилди. Ҳалол сертификат олган корхона ҳам бор...

2174 16:27 17.09.2020

Хушхабар: Хоразмда янги масжид қурилмоқда

522 10:05 16.09.2020

Ўзбекистонда биринчи Hi-tech усулида қурилаётган масжид

3980 11:00 11.09.2020

Вазир: «...Мактабларда коронавирус юқмайди деб кафолат беролмаймиз!»

530 11:08 09.09.2020

Чўлда қурилган намозгоҳ бузилмайди, аммо...

1338 14:05 08.09.2020

Ўзбекистон вакцина сотиб олиш масаласини кўриб чиқмоқда

442 18:35 07.09.2020
« Орқага