Telegram каналимизга аъзо бўлинг
Иймон

Президентнинг шахсий шифокори: «У тақводор ва яхши одам эди...»

6514

Босния ва Герцеговинада Болқон мамлакати тарихида ўчмас из қолдирган биринчи президент Алия Изетбегович вафотининг 19 йиллиги муносабати билан хотира маросими ўтказилди. 

Юртдошлари “Донолик шоҳи” деб атаган давлат арбоби 2003 йил 19 октябрь куни вафот этганди. 

Изетбегович ўз ҳаётини исломий онгни уйғотиш, Босниялик мусулмонларнинг мамлакатнинг бошқа халқлари билан тенг ҳуқуқли бўлишини таъминлаш, демократия ва инсон ҳуқуқлари учун курашга бағишлади. 

Изетбеговичнинг шахсий шифокори Секиб Соколович мустақил Босния ва Герцеговинанинг биринчи президенти ҳақидаги хотиралари билан ўртоқлашди.

“У буюк инсон, кучли характерга эга шахс эди. У ҳар томонлама мулойим ва раҳмдил эди”, — деди Соколович. 

Соколовичнинг айтишича, Босния ва Герцеговинадаги урушдан кейин Алия Изетбегович ўз уйида юрак хуружини бошдан кечирган. 

“Мени уйларига чақиришди. Мен электрокардиограмма қилдим ва у юрак хуружига учраганини англадим. Кейин университет клиникасига қўнғироқ қилиб, унга хона тайёрлаб беришларини айтдим”, — деди Соколович. 

Соколовичнинг сўзларига кўра, Изетбегович даволовчи шифокорларнинг барча тавсияларига қатъий амал қилган. 

“У буюк инсон, кучли характерга эга шахс эди. У ҳар жиҳатдан юмшоқ ва меҳрибон эди. Ана шу фазилатлари туфайли давлат раҳбари бўлишига қарамай, у билан осон тил топишиб олдик. Унда динимиз талаб қилган “соддалик ва меҳр-шафқат”ни кўриш мумкин эди. У тақводор ва яхши одам эди”, деди. 

Соколовичнинг таъкидлашича, у Изетбеговичга хорижий ташрифлари давомида ҳам ҳамроҳ бўлган, у билан бир самолётда учган. 

“Президент самолётида барча шарт-шароитларни яратиш мумкин эди, бироқ у комфорт шароитда одам ҳар доим ҳам ўзини яхши ҳис этмаслигини айтарди. У инсон камтарона шароитда қулайроқ эканлигига ишонди. Унинг учун қулайлик у қадар муҳим эмас эди”, - деди Соколович.   

“Эсимда, бир марта Пентагонга учрашув учун боришимиз керак эди, ФҚБ ва Марказий разведка бошқармаси машиналари бизни кутиб турган эди. Тахминан соат 13:00 эди ва президент менга: "Келинг, аввал пешин намозини ўқиб олайлик", деди. Биз унинг хонасида намоз ўқиб, кейин йўлга тушдик”, деди у. 

Шифокор Изетбегович уруш пайтида аскарларнинг позициясига катта аҳамият берганини айтди. 

“Урушга қарамай, президентларни яхши овқатлантириш кераклиги қабул қилинди. Бироқ Изетбегович бу таомдан бош тортди ва аскарларга бериладиган таомлар билан бирга берилишини сўради”, деди у. 

Босния раҳбари 2003 йил 19 октабрь куни вафот этди. 

Изетбегович Сараеводаги Ковачи қабристонига дафн қилинди. Босния раҳбари билан видолашув маросимига турли мамлакатлардан 150 мингдан ортиқ киши келди. 

Изетбегович ўлимидан олдин гаплашган сўнгги давлат арбоби Туркия етакчиси Ражаб Тоййиб Эрдоған эди. 

Алия Изетбеговичнинг “Ислом Шарқ ва Ғарб ўртасида”, “Ислом декларацияси”, “Менинг озодликка қочишим” ва бошқа асарлари бор.

УЛАШИНГ:

Теглар:

Мавзуга доир:

«Тепағон оқсоқол»га чора кўрилди

328 21:09 28.11.2022

Пермь университетида отишма уюштирган шахс бир умрга қамалиши мумкин

150 20:12 28.11.2022

Шаҳбоз Шариф: «Покистон ва Туркия ресурсларни бирлаштириши керак»

228 19:40 28.11.2022

Исроил журналисти: Қатарнинг қатъияти барчани ҳайратга солди

1053 18:35 28.11.2022

Boeing Пентагонга Украина учун арзон кичик ўлчамли бомбалар ишлаб чиқаришни таклиф қилди

235 18:05 28.11.2022

Эрон АҚШ устидан ФИФАга шикоят қилди

729 17:35 28.11.2022
« Орқага