Илм

“Қачон мартабангиз кўтарилади?”

1025

Имом Ибн Жавзий (Аллоҳ у кишини раҳмат қилсин) дурдоналаридан: 

* Бўлаётган ишларга керагидан ортиқ баҳо бериб юборманг;

 * Одамлардан қадр-қиммат кутманг, уни қалбингиздан изланг. Қалбингиз хотиржамми, тамом, мартабангиз кўтарилиб бораверади;

* Ўзингизни ўзингиз танисангиз, бас. Одамларнинг гап-сўзлари чикора;

* Дунё ғамини елкангизга ортиб олманг. У - Аллоҳники;

* Ризқ келишидан ташвиш тортманг. У - Аллоҳдан; 

* Келажакни қайғурманг. У - Аллоҳнинг қўлида; 

* Биргина ғамингиз бўлсин. Биргина! "Қандай қилиб Аллоҳ ризосига эришиш". Зеро, Аллоҳни рози қилсангиз, У Зот сизни рози қилур. Шунинг ўзи сизга етарли бўлиб, бошқа ҳаракатга ҳожат қолмас; 

* Қалбингизни йиғлатган ҳаётдан нолиманг. Унинг ўрнига, Аллоҳим, дунё ва охиратда бир яхши эваз бергин, дея дуо қилинг. Зеро, хафалик сажда билан барҳам топиб, шодлик дуо ила қадам ранжида қилур; 

* Бировга қилган яхшилигингизни ҳам, бировнинг ғамини аритганингизни ҳам, кўз ёшини артиб, қалбига қувонч олиб кирганингизни ҳам  Аллоҳ ҳеч қачон унутмас; 

* Яхшилик кўрмасангиз ҳам яхшилик қилинг. Одамлар учун эмас, Аллоҳ яхшилик қилувчиларни севгани учун шундай қилинг ва шу қоидага биноан ҳаёт кечиринг; 

* Очиққўл бўлинг ва шу билан бўйнингизга чирмашиб олган мусибатлар тушовини ечинг. Билингки, садақангизни олаётган одамдан кўра уни беришга ўзингиз муҳтожроқсиз. 

Муқим Маҳмуд таржимаси

УЛАШИНГ:

Теглар:

Мавзуга доир:

“Ислом умматининг 100 буюк шахси”: Имом Шавконий

671 20:30 02.04.2020

Имом Абу Ҳанифа: "Байтул-молда менинг ҳаққим йўқ"

667 07:30 26.03.2020

Франциялик имом: «Бирдамлик барча вирусларни йўқ қилади»

570 14:30 25.03.2020

Имоми Аъзам нега ўз ўғлини имомликдан четлатди?

3070 13:40 05.03.2020

Аҳмад Саъд Даманҳурий: Мотуридий Афлотундан кейинги иккинчи файласуф

651 09:45 04.03.2020

Одамлар нега имомларни ҳурмат қилмай қўймоқда?

5111 08:35 04.03.2020
« Орқага