Илм

Қарғанишни биладиган она...

2129

Бир саҳрои аёлнинг
Ўғилчаси шўх экан.
Ундан зарар кўрмаган
Бирон куни йўқ экан.

Қозондаги таомин
Тепиб қочиб кетаркан.
Мешидаги сувини
Сепиб қочиб кетаркан.

Қарғар экан боласин,
Қилолмасдан эпини,
Қирқиб қочганида кир
Ёядиган ипини...

«Ҳой, ипимни қирқмагин,
Қалбингга илм тўлгур.
Ҳой, мешимни тешмагил,
Каъбага имом бўлгур!

Сичқон думин кесмагин,
Беозор бўл, тўғри юр.
Ғариб йўлин тўсмагил,
Каъбага имом бўлгур».

Демас экан: «Жувонмарг»,
«Ҳароми», «Мараз»,«Ўлгур»,
Битта экан қарғиши:
«Каъбага имом бўлгур!»

Ният кетди, вақт ўтди
Мисли ел ё шабада,
Шу онанинг шу ўғли
Имом бўлди Каъбага.

Не-не шоҳу султонлар
Орқасидан туриб ғоз.
Унга иқтидо қилиб,
Ўқир эдилар намоз.

Дуо-ла шум боладан
Чиқди бир хуш нафасли
Олим, ҳофизи Қуръон –
Абдураҳмон Судайсий.

Назоратда инсоннинг,
Ҳар сўз, ҳар бир нафаси,
Ибрат бўлсин бизга бу
Aллоҳнинг мўъжизаси.

Комил инсон кўрдингми,
Марҳабо, билки, улар –
Ота-она, элидан
Дуо олган болалар...

Марҳабо Каримова

Мавзуга оид:
Абдулла Қодирий шеъри: «Тўй»

УЛАШИНГ:

Теглар:

Мавзуга доир:

Яхшиямки туғилган экансан, болам...

2072 20:00 05.07.2020

Менга ёлғончи онам керак

1876 14:00 21.06.2020

Ҳиндистон: очликдан ўлган онасини уйғотишга уринаётган бола

2078 17:30 28.05.2020

Хитойлик шахс 79 ёшли онасини тириклайин кўмиб юборди

3681 16:00 08.05.2020

30 йил олдин ва 30 йил кейин...

2498 03:00 03.05.2020

Онасига оқ бўлгандан кейин...

1862 18:00 14.03.2020
« Орқага