Қатар амири Эрдўғанга самолёт совға қилди

16:00 14.09.2018 1523

Қатар амири Тамим ибн Ҳамад икки қаватли Boeing 747-8i самолётини Туркия президенти Ражаб Тоййиб Эрдўғанга совға қилди.

Турк ОАВ хабарига кўра, амирнинг оиласига тегишли мазкур самолёт 400 миллион доллар нарх билан сотувга қўйилган эди. Самолётга Эрдўған қизиқиб қолганидан кейин эса Қатар амири уни шунчаки совға сифатида беришга қарор қилди.

2012 йилда ишлаб чиқарилган Boeing 747-8i самолёти 76 йўловчига мўлжалланган бўлиб, унда йиғилиш ўтказиладиган хона ва ётоқхона мавжуд.

Маълумотларга қараганда, Туркия ҳукумати тасарруфида 11 та самолёт ва 3 та вертолёт бор. Улардан президент, вазирлар ва парламент раиси фойдаланади.

Azon.uz янгиликларини Telegram'да ҳам кузатиб боринг!