Telegram каналимизга аъзо бўлинг
Янгиликлар

Қатарнинг Афғонистондаги элчихонаси АҚШ учун ҳам хизмат кўрсатади

464

Вашингтон ва Доҳа жума куни Қатарнинг Афғонистондаги элчихонасида АҚШ манфаатлари бўлимини ташкил этиш бўйича келишув имзолади. Бўлим бир қатор консуллик хизматларини кўрсатиш ва АҚШнинг Афғонистондаги дипломатик муассасалари ҳолатини кузатиб бориш билан шуғулланади. 

Бу ҳақда АҚШ давлат котиби Энтони Блинкен Қатар Ташқи ишлар вазири Муҳаммад ибн Абдураҳмон билан бўлиб ўтган матбуот анжуманида маълум қилди, дея хабар беради “Рейтер”.

“Қатар Афғонистондаги элчихонасида муайян консуллик хизматларини кўрсатиш ҳамда АҚШнинг Афғонистондаги дипломатик объектлари ҳолати ва хавфсизлигини назорат қилиш учун АҚШ Манфаатлари бўлимини ташкил этади”, – деди Блинкен.

31 декабрдан кучга кирадиган янги келишувга кўра, Қатар Афғонистондаги элчихонасининг айрим ходимларини АҚШ Манфаатлари бўлимига ўтказади ҳамда АҚШ Давлат департаменти ва Доҳадаги АҚШ элчихонаси билан яқиндан ҳамкорлик қилади. Консуллик ёрдами паспорт олиш учун аризаларни қабул қилиш, ҳужжатларни расмийлаштириш учун нотариал хизматлар кўрсатиш, маълумот бериш ва фавқулодда вазиятларда ёрдам беришни ўз ичига олиши мумкин.

Маълумки, Қатар “Толибон” ҳаракати билан яхши алоқаларга эга, толиблар хориждаги ягона офисини айнан Қатар пойтахти Дохада очган. “Толибон” Афғонистонда ҳокимиятни қўлга киритгач, АҚШ ва Ғарб давлатлари у ердаги элчихоналарини ёпди. 

Қўшма Штатлар бошқа кўплаб давлатлар сингари “Толибон”ни расман тан олгани йўқ. Бироқ қиш яқинлашар экан, кўплаб ҳукуматлар Афғонистондаги гуманитар фалокатнинг олдини олиш учун фаолроқ ҳаракат қилишлари кераклигини тушуниб етмоқда.

УЛАШИНГ:

Теглар:

Мавзуга доир:

Мунофиқларнинг аломатлари, белгилари ва сифатлари

563 22:50 17.01.2022

Соқолни тақиқлаган супермаркет ходимига чора кўрилди

1277 22:25 17.01.2022

Катта фиқҳ энциклопедияси: Бир мажлисда Набий соллаллоҳу алайҳи ва салламга салавот айтиш

227 22:05 17.01.2022

Муфтийнинг садоқатли мушуги

751 21:05 17.01.2022

Динимни ўрганаман: бировнинг номидан закот бериш ҳақида

293 20:35 17.01.2022

Назарбоев Тоқаев билан «қаттиқ музокаралар» олиб бормоқда - The Guardian

1508 20:03 17.01.2022
« Орқага