Telegram каналимизга аъзо бўлинг
Янгиликлар

Қайроққум сув омбори ўпирилгани ҳақида хабар тарқатганлар қўлга олинди

762

14 январь куни ярим тунда ижтимоий тармоқларда Тожикистон ҳудудида жойлашган Қайроққум сув омбори ўпирилгани тўғрисида тарқалган миш-мишлар туфайли аҳоли орасида ваҳима кўтарилиб, жуда кўпчилик яшаш ҳудудини тарк этишга ошиққан эди.

Сирдарё вилоят телеканали янгиликлар дастурининг ички ишлар бошқармасига таяниб хабар беришича, Қайроққум сув омбори ўпирилгани тўғрисида нотўғри маълумот тарқатганлар қўлга олинган. 

Улардан бири шу хабарни эшитиши билан аёлига зудлик билан акасиникига бориб туришни, ўзи ҳам тез орада етиб боришини тайинлайди. Кейинчалик Тожикистонда яшовчи тоғасидан бу хабар нотўғрилигини эшитади, аммо бунга қадар ҳамма жойда ваҳима тарқалишга улгургани, қилган ишидан афсусдалигини билдиради.

Оқолтинлик блогер эса “Ютуб” ва “Телеграм” тармоқларидаги ўз саҳифаларида “Қайроққум сув омбори уриб [ўпирилиб] кетди, тезкор тарқатинг” сарлавҳали маълумот жойлаган. “Кўпроқ одамларга хабар бериш мақсадида ўзим тасвирга олган видеони “Ютуб”га жойладим. Кейин қарасам, ички ишлар ходимлари овоз кучайтиргичлар орқали аҳолини тинчлантириб юрган экан. Дарҳол кирсам, жойлаган лавҳам “просмотр” йиғишга улгурган экан. Яъни бу лавҳам одамлар кўнглига ғулғула солиши мумкин. Блогерларга маслаҳатим, бирор хабарни тарқатишдан олдин яхшилаб текширинг”, – дейди у.

Яна бир эркак эса ўзи яшовчи подъезддаги қўшнилари эшикларини тақиллатиб чиққани, бу орқали уларга тезроқ хабар беришни истаганини, қилган ишидан афсусдалигини билдиради.

УЛАШИНГ:

Теглар:

Мавзуга доир:

Шайх Абдулфаттоҳ Абу Ғудда: “Саҳифалар” (26-қисм)

167 10:00 04.03.2021

“Динимиз кўр-кўрона тақлиддан қайтаради...”

238 09:00 04.03.2021

Путин ва миллатчиликка қарши кураш

795 08:05 04.03.2021

"Шайтон ҳеч қачон пора олмайди"

827 07:00 04.03.2021

Канада мусулмонлари исломофобияга қарши чора кўрилишини истамоқда

343 23:00 03.03.2021

Араб давлатларининг Фаластинга ёрдами камайди

703 21:55 03.03.2021
« Орқага