Telegram каналимизга аъзо бўлинг
Илм

Қизлар муҳтож қолмасин

3586

Тунов куни ишдан чиқиб, бир-иккита китоб дўконларини айландим. Ёмғир ёққани учун кўчаларда кузнинг ўзига хос ҳиди анқирди. Китоб дўконига кирсам, бир одатим бор: олсам ҳам, олмасам ҳам, китобларга бир сидра кўз югуртираман. Бу сафар ҳам шундай бўлди. Яхши китоблар кўп, лекин мени ўзига оҳанрабодай торта оладиганини топа олмадим. Китоблар ичра ўтган қарийб бир соатлик кичик саёҳатдан сўнг бекатгача пиёда бордим. Соатга қарадим, ҳар кунгидан анча кечикибман. Уйдагилар кечки овқатни еб бўлишгани аниқ. Уйда бир ўзим овқатланишни эса унча хушламайман. Шунинг учун метро бекати яқинидаги сомсахонада тамадди қилишга ошиқдим. Буюртмани айтиб, қоринни тўқлар эканман, бир воқеа бўлдики, нима еганим ҳам ёдимдан кўтарилиб, кайфиятим йўқолди...

Икки қиз (адашмасам, талабага ўхшади, қўлида китоб-дафтар солинган сумкаси бор эди) сотув тахтасига яқинлашди. Дастлаб биринчиси сомсанинг нархини сўради ва учта минг сўмлик пулни узатиб, «битта беринг», деди. У бироз ортга чекингач, шериги ҳам бир дона сомсага буюртма берди. Қизларнинг худди бир айб қилгандек хижолат бўлганини кўриб, ичимдан нимадир узилгандек бўлди. Ўғил бола учун йўқчилик бир дарс, у шундай ҳолатларда тобланади. Лекин қиз боланинг моддий томондан муҳтож бўлишини ҳеч ҳазм қилолмайман. Ўз ҳисобимдан уларни меҳмон қилмоқчи бўлдим-у, ёрдамимни нотўғри тушунишмасмикан, баттар хижолат чекишмасмикан, деб иккиландим. 

Негадир шу қизларнинг ўрнида ўз опамни тасаввур қилдим. Ахир у ҳам талаба бўлган, балки у ҳам шундай вазиятга тушгандир. Ёки синглим, у ҳам насиб қилса, талаба бўлади. Агар мен истаган жойда, истаган егулигимни еб юрсам-у, синглим мана шундай ҳолатга тушса, еган луқмам ҳаром бўлсин, дедим ўзимга...

Аёл – ожиза. У бир қалқонга, доимо суяниши мумкин бўлган бақувват таянчга муҳтож. У хоҳ 20 яшар йигитча бўлсин, хоҳ 40 ёшли эркак, аҳамияти йўқ. Шунинг учун сизлардан илтимосим, онангиз, опа-сингилларингиз, аёлингизу қизларингизни қадрланг. Уларнинг ҳолидан хабар олинг. Иззат-ҳурматини жойига қўйинг. Ана шундагина “эркак киши аёлдан бир поғона устун” дейишга ҳаққингиз бўлади. 

Ҳамидуллоҳ Али

УЛАШИНГ:

Теглар:

Мавзуга доир:

Катта фиқҳ энциклопедияси: Олнинг луғавий ва истилоҳий маънолари таърифи

208 22:05 28.10.2021

Рейганнинг собиқ ёрдамчиси: «НАТО Россия билан урушда АҚШга хиёнат қилади»

601 21:30 28.10.2021

Дунёнинг энг қадимги 14 масжиди

398 21:05 28.10.2021

Динимни ўрганаман: руҳ бор нарсами?

965 20:05 28.10.2021

Жанубий Корея мусулмонлари федерацияси раҳбарияти Ўзбекистонга келади

262 18:30 28.10.2021

«Аҳоли иссиқлик энергияси бўйича 2 триллион сўм қарзи бор» – вазирлик ахбороти

237 18:30 28.10.2021
« Орқага