Қотил исломофобга берилган жазо канадалик мусулмонларни қониқтирмади

19:01 11.02.2019 1928

Канадалик мусулмонлар олти кишини ўлдирган қотил исломофобга берилган жазодан қониқишмагани айтишмоқда. Бу ҳақда CTV News хабар тарқатди.

Ўтган ҳафта Александр Биссоннетт бир умрга озодликдан маҳрум этилди, бироқ 40 йилдан сўнг шартли равишда озодликка чиқиш ҳуқуқи бор. Яъни 67 ёшида турмани тарк этиши мумкин. Ваҳоланки, канадалик мусулмонлар Биссоннеттга энг қаттиқ жазо тайинланишини – муддатидан аввал озод этиш ҳуқуқисиз 150 йилга озодликдан маҳрум этилишини кутишган эди. 

Исломофоб-террорчининг ҳужумидан кейин фалажаниб қолган Айман Дербали суд ҳукмини кўзида ёш билан тинглади. “Ҳафсаламиз пир бўлди”, – деди у.

Эслатиб ўтамиз, Александр Биссоннетт 2017 йилнинг 29 январь куни Квебек Ислом маданий марказига кириб, у ерда намоз ўқиётганларга қарата ўқ очган эди. Натижада олти киши ҳалок бўлган, беш киши яраланган.

Azon.uz янгиликларини Telegram'да ҳам кузатиб боринг!