Telegram каналимизга аъзо бўлинг
Янгиликлар

Қозоғистонда содир бўлган ЙТҲда яна бир ўзбекистонлик вафот этди

380

Жамбил вилоятида йўл-транспорт ҳодисасида жабрланганлар Ўзбекистонга олиб келинди. 

Президентнинг тезкор топшириғига асосан Ҳукумат қарори билан Фавқулодда вазиятлар вазирининг ўринбосари А.Латифжонов бошчилигида ташкил этилган ишчи гуруҳ кеча, Жуалин туманининг марказий шифохонасига етиб борган. Гуруҳ аъзолари Қозоғистон Республикасининг масъул идоралари раҳбарлари билан учрашиб, ҳамкорлик асосида ташкилий ва амалий ҳаракатлар олиб борди. Бугун тонгда Ўзбекистон ва Қозоғистон чегараси “Ғишткўприк” божхона масканига етиб келди.

«Шуни алоҳида таъкидлаш жоизки, Қозоғистон масъуллари юзага келган мазкур бахтсиз ҳодиса оқибатларини зудлик билан бартараф этиш, жароҳатланганларга тез тиббий ёрдам кўрсатишда яқиндан кўмак беришди», — дейилади хабарда. 

Фавқулодда вазиятлар, Ички ишлар, Ташқи ишлар, Соғлиқни сақлаш ва Транспорт вазирликлари ҳамкорлигида 2 нафар вафот этган фуқароларнинг жасадлари яшаш манзили — Бухоро ва Хоразм вилоятларига юборилди. Ҳозирда маҳаллий ҳокимликлар томонидан маросим тадбирларини ўтказиш юзасидан тайёргарлик ишлари олиб борилмоқда. 

Бугун, 14 май куни бахтсиз ҳодиса оқибатида яна бир фуқаро вафот этди. Айни пайтда марҳумни олиб келиш юзасидан зарур чоралар кўрилмоқда.

Олиб келинган 23 нафар фуқародан, 18 нафар жароҳатланганлар Республика шошилинч тез ёрдам илмий марказига жойлаштирилди, 5 нафар фуқаронинг аҳволи яхши бўлгани учун уйига жавоб берилди.

Ҳозирги вақтда марказга жойлаштирилган фуқароларнинг аҳволи шифокорларнинг қатъий назоратига олиниб, тегишли муолажалар ўтказилмоқда.

УЛАШИНГ:

Теглар:

Мавзуга доир:

“Туркия географик ва стратегик жиҳатдан муҳим давлат” – НАТО Бош котиби

167 23:45 25.05.2022

Мевлут Чавушўғли ва Маҳмуд Аббос Фаластин масаласини муҳокама қилди

124 23:25 25.05.2022

Саудия Арабистони: “Исроил Фаластин муаммосини ҳал қилиши керак!”

245 22:50 25.05.2022

АҚШ ва Хитой тўғридан-тўғри қарама-қаршиликка киришмаслиги керак – Генри Киссинжер

213 22:30 25.05.2022

Катта фиқҳ энциклопедияси: АЖРУН – Ажр

107 21:50 25.05.2022

«Казбек. Осиё арслони»: қалтис ҳаракат

356 21:10 25.05.2022
« Орқага