Telegram каналимизга аъзо бўлинг
Янгиликлар

Қуддус насронийлари исроиллик радикал гуруҳлардан норози

828

Қуддусдаги насроний черковлари етакчилари исроиллик радикал гуруҳлар насронийларни шаҳарда қувиб чиқаришга уринаётганини маълум қилди, дея хабар беради IslamNews.

Руҳонийларнинг қўшма баёнотида радикаллар қўрқитиш, дин арбоблари ва оддий насронийларга нисбатан жисмоний зўравонлик, ҳақорат, черковларга ҳужум, зиёратгоҳларни таҳқирлаш каби усуллардан фойдаланган ҳолда ўз мақсади сари интилаётгани алоҳида таъкидланган.

Баёнотни Қуддус православ черкови номидан патриарх Феофил III, арман патриархи Нурхан Манукян, Қуддус лотин патриархати вакили, архиепископ Пьербаттиста Пиццабалла ва бошқалар имзолаган. 

Уларнинг айтишича, маҳаллий ҳокимият ва ҳуқуқ-тартибот идоралари радикал гуруҳларни жиловлаш учун тегишли чораларни кўрмаяпти. 

Бундан ташқари, радикаллар насронийлар мавзесидаги стратегик аҳамиятга эга бўлган мулкларни яширин ҳийла-найранглар ва қўрқитиш йўли билан сотиб олишни давом эттирмоқда.

“Бу насронийлар сонининг сезиларли даражада камайишига ва Байтлаҳм ва Қуддус ўртасидаги тарихий зиёрат йўлларининг янада узилишига олиб келмоқда”, – дейилади баёнотда.

УЛАШИНГ:

Теглар:

Мавзуга доир:

Нақба - Фаластин халқининг мажбурий кўчирилиши тимсоли

175 16:50 16.05.2022

«Ал-Ақсо»да мусулмон ва яҳудийлар ўртасида яна тўқнашув бўлди

1000 19:02 05.05.2022

Мусулмон ва насроний фаластинликлар ишғолга қарши бирлашди

1308 18:15 22.02.2022

Исроил Қуддусдаги черковларнинг ерига кўз тикди

896 13:35 21.02.2022

Исроил Ғарбий соҳилда ноқонуний қурилишларни давом эттиради

566 18:30 03.02.2022

Шарқий Қуддусда яҳудийлар учун яна турар жой қуришмоқчи

586 14:35 06.01.2022
« Орқага