«Қурбон ҳайити ҳақидаги танқидлар сафсатабозликдан бошқа нарса эмас»

14:08 13.08.2019 1094

“Германия учун муқобил” партияси Қурбон ҳайитини танқид қилиб, бу байрамда ҳайвонлар қийноққа учрашини иддао қилди. Neues Deutschland газетаси эса партияни сафсатабозликда айблади.

“Ўнгчиларга хос бу бўкиришнинг мақсади ҳайвонларга яхшилик қилиш эмаслиги аниқ. Мақсад – мусулмонларни қолоқ, ваҳший ва маданиятсиз инсон қилиб кўрсатиш. Айниқса, араблар, африкаликлар ва туркларни ёмонотлиқ қилишга уринишдир, – дейилади мақолада. – Партия тарафдорлари чиндан ҳам ҳайвонларнинг ўйлаганида эди, жўжаларнинг сўйилиши, индустриал чорвачилик ва балиқ индустриясига ҳам қарши чиққан бўларди. Шундай қилишмас экан, қурбонликни танқид қилишлари сафсатабозликдан бошқа нарса эмас”.

“Германия учун муқобил” партиясига 2013 йилда асос солинган бўлиб, унинг вакиллари ирқчи ва исломофоб қарашлари билан танилган.

Azon.uz янгиликларини Telegram'да ҳам кузатиб боринг!