Қуръон ва ҳадисга юксак эҳтиром

15:05 29.08.2019 647

Мавлоно Абдулҳай соҳиб бавосил ҳасталигига мубтало эдилар. Бирор даво фойда бермас, кундан-кунга касаллик кучайиб бораётган эди. Ҳаттоки, жон чиқиб кетиш ҳолатигача етган эди. Ҳазрат гоҳо беҳуш бўлар, гоҳо ҳушларига келар эдилар. Бу ҳолатни эшитиб Саййид Аҳмад соҳиб Ҳазратнинг ҳузурларига ташриф буюрдилар. Ҳазрат Мавлоно бироз ҳушларига келиб, Саййид соҳибни кўрдилар ва танидилар. Саййид соҳиб: «Аҳволингиз қандай?» – деб сўрадилар. Ҳазрат Мавлоно: «Жудаям оғир. Сиз ҳаққимга дуо қилсангиз ва кўксимга оёғингизни қўйсангиз. Унинг баракотидан Аллоҳ таоло бу мусибатдан нажот берса», – дедилар. Саййид соҳиб: «Мавлоно Соҳиб! Сизнинг кўксингизда Қуръон ва ҳадис илми бор. Мен унга оёғимни қўйишим муносиб эмас», – дедилар. Кейин “Бисмиллаҳ”ни айтиб ўнг қўлларини қўйдилар. Ҳазрати Мавлонога анча таскин бўлди ва бир неча бор: “ألله رفيق الاعلي” ни  тиллари ила айтдилар ва вафот этдилар. Иннаа лиллаҳи ва иннаа илайҳи рожиъуун.

 (“Намуне ке инсан – Ўрнак бўладиган инсонлар” китобидан. 125-бет)

Абдулқайюм Комил таржимаси

Azon.uz янгиликларини Telegram'да ҳам кузатиб боринг!