Telegram каналимизга аъзо бўлинг
Назм

Рамазонда рўза тутганлар

1263

Дуо қилиб неча ой олдин,
Рамазонни интиқ кутганлар.
Моҳи Шариф муборак бўлсин,
Рамазонда рўза тутганлар.

Масжидлар сари босиб қадам,
Таровиҳда бўлиб жамул-жам,
Қуръон тинглаб кўзларида нам,
Рамазонда рўза тутганлар.

Савоб кўзлаб ифторлар қилар,
Ҳар бир дамни ғанимат билар,
Эл-у юртга яхшилик тилар,
Рамазонда рўза тутганлар.

Ибодатда пешқадамдирлар,
Саховатда пешқадамдирлар,
Камолотда пешқадамдирлар,
Рамазонда рўза тутганлар.

Кундуз соим, тунлари қоим,
Роббисининг зикрида доим,
Насиб этсин жаннат ун-наъийм,
Рамазонда рўза тутганлар.

Қадр туни бўлишар бедор, 
Юзида таҳажжуд нури бор,
Минг ойлик савобдан умидвор,
Рамазонда рўза тутганлар.

Икки дунё бахтингиз кулсин, 
Савоб пойгасида ютганлар,
Ҳайитингиз муборак бўлсин,
Рамазонда рўза тутганлар!

Довуд Абдулғафур

УЛАШИНГ:

Теглар:

Мавзуга доир:

Қаддингни ростла!

2063 22:00 15.05.2021

Дил аро ёдинг мужассам...

1585 07:00 06.05.2021

Адолат нелигин Умардан сўранг...

2286 22:00 23.04.2021

Абдулла Қодирий: “Кўр бизнинг аҳволимиз, ғафлатда қандай ётамиз...”

4747 18:00 23.04.2021

Умр ҳисоби

1428 08:30 22.04.2021
« Орқага