Ислом

Рашк таомга солинадиган тузга ўхшайди

726

Анас розияллоҳу анҳудан ривоят қилинади: “Ҳафса розияллоҳу анҳонинг «София розияллоҳу анҳо яҳудийнинг қизи», деган гапи етиб борганида София розияллоҳу анҳо йиғладилар.Шу ҳолда турганларида олдиларига Набий соллаллоҳу алайҳи васаллам кирдилар ва: «Сени нима йиғлатди?» деб сўрадилар. София розияллоҳу анҳо: “Ҳафса менга “Яҳудийнинг қизисан”, деб айтди!” дедилар. Шунда Набий соллаллоҳу алайҳи васаллам: “Сен набийнинг қизисан. Сенинг амакинг ҳам набий ва сенинг эринг ҳам набий. У сенга нимада фахр қилар экан?!”, деб, “Аллоҳдан қўрқ, эй Ҳафса!” дедиларИмом Термизий ривояти.

Пайғамбаримизнинг Софийя розияллоҳу анҳо онамизга «Сен Набийнинг қизисан» деганлари «Сен Ҳорун алайҳиссаломнинг авлодисан», деганларидир. Онамиз Ҳорун алайҳиссаломнинг авлоди, зурриёди эдилар.

«Сенинг амакинг ҳам набий» деганлари эса «Амакинг Мусо алайҳиссалом ҳам Набий» деганларидир. Чунки, Мусо алайҳиссалом Ҳорун алайҳиссаломнинг укаларидирлар.

«Сенинг эринг ҳам Набий» деганлари «Эринг менман. Мен эса Набий ва Расулларнинг улуғиман» деганларидир.

Бу ҳадисда бир инсонни камситиш гуноҳ экани таъкидланяпти. Набий соллаллоҳу алайҳи васалламнинг «Аллоҳдан қўрқ, эй Ҳафса!» дейишлари шунга далолат қилади.

Шу билан бирга бу ҳадисда Софийя розияллоҳу анҳо онамизнинг фазилатлари баён қилиняпти.

Нозимжон Ҳошимжон ўғли

УЛАШИНГ:

Теглар:

Мавзуга доир:

Гиёҳванд йигит ҳақиқий мусулмон бўлди ва...

563 12:10 14.11.2019

«Жоҳилиятга қайтишдан қўрқдим...» ёхуд «Дунё бир гап бӯлар, охиратни асранг!»

636 08:00 14.11.2019

Ислом қийинми?

731 18:00 13.11.2019

Тафаккур ёхуд ғайридиннинг Ислом ҳақидаги фикрлари

2034 08:00 13.11.2019

Мусулмонлар қачон ривожланади?

950 11:00 12.11.2019

Фарзандини олим қилмоқчи бўлган оналар...

1041 19:00 11.11.2019
« Орқага