Telegram каналимизга аъзо бўлинг
Янгиликлар

Роҳинжалар: “Худди ўликдекмиз...”

1754

Якшанба куни Мьянмада парламент сайлови бўлиб ўтади, Бангладешдаги қочқинлар лагерида яшаётган мьянмалик мусулмонлар – роҳинжалар эса сайловчилар рўйхатига киритилмаган. 

БМТ роҳинжалар қатнашмайдиган сайлов адолатли бўлмаслиги ҳақида огоҳлантирди. 

“Овоз бера олмаслигимдан жуда хафаман, – дейди 65 ёшли Муҳаммад Юсуф “Рейтер” агентлиги мухбири билан суҳбатда. – Худди биз ўликмиз, ҳеч қандай аҳамиятимиз йўқ”. У Мьянмада 1974 йилдан 2010 йилгача бўлган барча сайловларда қатнашган, уч йил аввал Бангладешга қочиб келишга мажбур бўлди. 

“Бу ҳуқуқ муҳим. Биз болаларимизнинг муҳандислар ва ҳуқуқшунослар бўлиб етишишини истаймиз. Лекин бунинг келажакда содир бўлишига кўзим етмаяпти. Ишончим комил эмас. 2025 йилда овоз бера олишимиз мумкинлигини ҳам билмайман”, – дейди Муҳаммад Юсуф. 

Мьянма ҳукумати роҳинжаларни туб этник гуруҳ сифатида тан олмайди ва уларни Бангладешдан келган ноқонуний бенгаллар деб атайди. Ваҳоланки, роҳинжалар Мьянмада бир неча асрлардан бери яшайди. 

2017 йилда 730 мингдан зиёд роҳинжа Мьянмадаги қирғиндан қочиб Бангладешга келди. Айни пайт бу ердаги тиқилинч лагерларда оғир шароитларда яшаяпти. Мьянма ҳукумати эса қирғин учун жавобгарликни ҳалигача тан олган эмас. 

“Мьянма бизнинг қайтишимизни истамайди, – дейди Кутупалонг лагерида яшайдиган 35 ёшли Муҳаммад Исмоил. – Ҳатто қайтган тақдиримизда ҳам, улар бизга сайловда қатнашишга рухсат бермаса-чи? Бизнинг болаларимиз бор. Уларнинг ҳоли нима бўлади? Улар ўз ҳуқуқларига эга бўлмаса, фуқаролик ололмаса, қандай яшайди?..”

Мьянмада кетма-кет алмашган ҳукуматлар роҳинжаларни шахсни тасдиқловчи ҳужжатлардан маҳрум қилган. Оқибатда улар ҳужжатсиз қолган. 

Роҳинжалар ҳуқуқларини ҳимоя қилиш билан шуғулланувчи Най Сан Лвиннинг айтишича, агар ҳукумат хоҳлаганида Бангладешдаги роҳинжаларнинг овоз бериши учун имконият яратган бўлар эди. “Бироқ буни тасаввурга сиғдириб бўлмайди...” – дейди у. 

УЛАШИНГ:

Теглар:

Мавзуга доир:

“Abdulhamid Xon” Ўрта ер денгизида газ излашни бошлади

139 12:40 18.08.2022

Ғазо соҳили Исроил ҳужумида ҳалок бўлган болаларнинг исмлари ва расмлари билан “безатилди”

76 12:20 18.08.2022

Ким Байтуллоҳга кирса, яхшиликларга кирибди...

154 11:56 18.08.2022

БМТ Мьянма ҳарбий маъмуриятини репрессияларни тўхтатишга чақирди 

86 11:40 18.08.2022

Мексика “журналистхўр” мамлакатга айланиб қолди

121 11:10 18.08.2022

Шанхай ҳамкорлик ташкилотига аъзо давлатлар Ички ишлар ва жамоат хавфсизлиги вазирларининг тўртинчи йиғилиши бошланди

80 10:46 18.08.2022
« Орқага