Telegram каналимизга аъзо бўлинг
Таҳлил

Россия бизни қандай кўришни истайди? – Тенг шерик ҳамкорми ёки мустабид ўлка?

5343

Бугун Президентимизнинг Россияга ташрифи бошланади. Ташриф арафасида рус матбуотида ҳам, ўзимизнинг ижтимоий тармоқларда ҳам турли мунозараларга сабаб бўлаётган бир ҳолат пайдо бўлди: Россия аэропортларида Ўзбекистондан учиб борган фуқароларимизга муомала қўполлашган. Баъзилари аэропортларда ушлаб турилибди. Сабаб паспорт, рус давлат хизматчилари бизнинг йўловчилардан хорижга чиқиш паспорт ўрнига маҳаллий яшил паспорт талаб қила бошлашди...

Бу, албатта, давлатимиз раҳбари ташрифидан олдинги «совға». Кремль бизга ўз шартини нафақат очиқ айтаётир, балки пўписа ҳам қилаётир.

Мигрантлар - оғриқли нуқтамиз. Шуни кўра-била туриб шартини ўтказмоқчи бўлаётир. Шарт эса ҳаммамиз биладиган ЕОИИга тўлақонли аъзо бўлиш...

Президент Мирзиёевнинг Москвага сафари деярли тўрт йил чўзилганининг сабаби ҳам эҳтимол шу. Тўғри, бу вақт орасида Москвада ўтган футбол бўйича жаҳон чемпионати очилишига, ундан сўнгра Ғалабанинг 75 йиллиги тадбирларига борилди, бироқ булар амалий ташриф эди. 

Бу галги ташрифга ҳам узоқ тайёргарлик кўрилди. Ташриф олди Москвада бошланган таълим ва медиа форумларни кузата туриб, унинг мақоми давлат ёки камида расмий даражада бўлади, деб ўйлаган эдик.

Аммо расмий Тошкентнинг аввало ўз манфаатларини устун қўяётганини кўриб турган Путин командаси бу ташрифга ҳеч қандай мақом бермади.

Чунки Ўзбекистон ҳозир ЖСТга кириш бўйича ҳаракатларни кенгайтирди. Ташқи ишлар вазирлигимиз деярли тинаётгани йўқ. АҚШ ва Европа давлатлари, Туркий тилли мамлакатлар билан музокаралар динамикаси ой сайин ўсмоқда. Бу, ўз ўрнида, Кремлга ёқмаяпти, албатта. Ва бўлаётган, бизга нисбатан қилинаётган ғалати муносабатларнинг асл сабаби шунда. 

ЖСТга кирмай туриб ЕОИИга тўлақонли аъзо бўлиш Ўзбекистон учун қандай оқибатлар келтиришини ҳамма, жумладан, Кремлдагилар ҳам билади. Билиб туриб бундай мажбурлов, ўйин қилиш эса дўстнинг иши эмас. 

Хуллас, россияпараст миллатдошларимизга айтар гапимиз шуки, ҳеч хавотир олманг, улар бизга ҳеч маҳал дўст бўлган ҳам, тенглик кўзи билан қараган ҳам эмас.

@platformauzb

УЛАШИНГ:

Теглар:

Мавзуга доир:

Нур-Султонда Шавкат Мирзиёевни расмий кутиб олиш маросими бўлиб ўтди

127 13:59 06.12.2021

“Толибон” ташқарига олиб кетилган ҳарбий самолёт ва вертолётларни қайтаришни бошлади

313 13:36 06.12.2021

Қурол савдоси: Россия қуролларига харидор камаймоқда

487 12:36 06.12.2021

Россияда қолиб кетган ҳамюртларимиз учун махсус поезд қатновлари амалга оширилади

145 12:08 06.12.2021

“Спутник” билан эмланганлар Саудия Арабистонига кира олади

268 11:30 06.12.2021

Хитой раҳбари динларни хитойлаштиришга чақирди

1576 10:03 06.12.2021
« Орқага