Telegram каналимизга аъзо бўлинг
Янгиликлар

Россия ва Қозоғистон: мамлакатлар иқтисодиёти «бошқачасига ишламайди»

1021

Қозоғистон Россияга сармоя киритиш ва сармоя жалб қилишда давом этади.

Қозоғистон АҚШ ва Европа Иттифоқининг (ЕИ) Россияга қарши санкцияларини четлаб ўтиш воситаси бўлмайди. Бу ҳақда Қозоғистон Президенти маъмурияти раҳбарининг биринчи ўринбосари Тимур Сулейменов Euractiv нашрига берган интервьюсида маълум қилди.

Расмийнинг айтишича, у ЕИга «европалик ҳамкорларга Қозоғистон АҚШ ва Европа Иттифоқининг Россияга қарши санкцияларини четлаб ўтиш воситаси бўлмаслигини кўрсатиш» учун ташриф буюрган.

«Биз санкцияларга риоя қиламиз. Россия, Беларусь ва бошқа давлатлар билан иқтисодий иттифоқнинг бир қисми бўлишимизга қарамай, халқаро ҳамжамиятнинг ҳам бир қисмимиз. Шу боис, биз Қозоғистонга АҚШ ва Европа Иттифоқининг иккиламчи санкциялари қўлланишини истамаймиз», — дея таъкидлади у.

Унинг қўшимча қилишича, Қозоғистон Россияга сармоя киритиш ва Россия учун сармоя жалб қилишда давом этади. Сабаби, мамлакатлар иқтисодиёти «бошқачасига ишламайди».

«Аммо биз санкцияланган товарларни назорат қилиш учун қўлимиздан келганини қиламиз. Биз санкцияларга учраган шахслар ёки ташкилотларнинг Қозоғистонга киритган ҳар қандай сармоясини назорат қилиш учун қўлимиздан келганини қиламиз ва буни европаликларга очиқ айтишни истаймиз. Бизда тизим борлигини ва бу тизим, афсуски, бу ерда узоқ вақт қолишини кўрсатмоқчимиз», — деди у.

УЛАШИНГ:

Теглар:

Мавзуга доир:

Сўнгги икки кун ичида Россиядан келаётган мигрантлар сони камайди

249 17:50 02.10.2022

Қозоғистон: тунги клубда муштлашган маст россияликларни полиция қўлга олди

666 10:20 01.10.2022

Қозоғистонда миграция назорати кучайтирилади

235 12:05 30.09.2022

15 декабрдан Қозоғистон ва Ўзбекистон божхоналарида олдиндан ахборот алмашиш тизимлари ишга тушади

187 15:50 29.09.2022

Тоқаев Чимкентда биродар халқлар билан алоқалар ривожлантирилишига ваъда берди

349 15:15 29.09.2022

Қозоғистон урушдан қочган россияликларни қайтарадими? – ИИВ жавоби

671 17:32 27.09.2022
« Орқага