Telegram каналимизга аъзо бўлинг
Янгиликлар

Россияда ишлаётган ўзбекистонликлар огоҳликка чақирилди

761

Ўзбекистон фуқаролари орасида интернет орқали катта миқдордаги пул эвазига маҳсулотларни бир манзилдан иккинчи манзилга етказиб бериш ҳақидаги эълонлар бўйича муаммолар юзага келмоқда.

Ташқи меҳнат миграцияси агентлиги Россияда ишлаётган ўзбекистонликлар норасмий курьерлик хизматларида ишламасликни сўраб, огоҳликка чақирди.

Таъкидланишича, Россияда тақиқланган моддалар солинган буюртмаларни етказиб бериш таклифлари кўпайган. Хабарда Ўзбекистон фуқаролар орасида интернет орқали катта миқдордаги пул эвазига маҳсулотларни бир манзилдан иккинчи манзилга етказиб бериш ҳақидаги эълонлар бўйича муаммолар юзага келаётгани айтилган.

«Мурожаатлардан маълум бўлмоқдаки, норасмий курьерлик хизматларида наркотик ёки тақиқланган моддалар солинган буюртмаларни етказиб бериш (закладка) таклиф қилинмоқда ва бунинг оқибатида полиция ходимлари томонидан курьерлар ушланиб, жиноий жавобгарликка тортилмоқда», — дейилади хабарда.

Агентлик фуқаролардан норасмий курьерлик хизматларида ишламаслик, катта миқдордаги пул эвазига шубҳали буюмларни бир манзилдан иккинчи манзилга етказиб бермаслик ёки маҳсулотни албатта текширишни сўраган.

Маълумот учун: Россия қонунчилигига кўра, наркотик моддаларни сотиш ёки етказиб бериш учун узоқ муддатли қамоқ жазоси белгиланган.

Аввалроқ Ўзбекистон Республикасининг Россия Федерациясидаги Элчихонаси ватандошларни хорижий давлатлар ҳудудида кўнгилли батальонлар тузиш ва/ёки ҳарбий ҳаракатларда иштирок этишдан огоҳлантирганди.

УЛАШИНГ:

Теглар:

Мавзуга доир:

Марказий Осиё давлатларининг интеграцияси. Минтақа мустақил геосиёсий бирликка айланиши керак

611 21:45 03.02.2023

Агар адолат ўлса... 

731 19:45 03.02.2023

Исроил АҚШ ва Европа давлатлари босими остида Украинага қурол берадими? 

547 18:05 03.02.2023

Исроил молия вазири Фаластин пулларини мусодара қилди

695 16:20 03.02.2023

АҚШ осмонида разведка шари учиб юрибди

1059 15:05 03.02.2023

Коинотда рамазон ойи: «космос султони» орбитада рўза тутиш ниятида

947 14:20 03.02.2023
« Орқага