Telegram каналимизга аъзо бўлинг
Янгиликлар

Истанбулда “Саҳиҳ ал-Бухорий” халқаро симпозиуми ўтказилади

1274

Жорий йилнинг 1-3 ноябрь кунлари Туркиянинг Истанбул шаҳрида жойлашган Ибн Халдун университетида “Саҳиҳ ал-Бухорий”: анъанавий ва замонавий ёндашувлар” номли халқаро симпозиум бўлиб ўтади. 

Мазкур илмий анжуман “Саҳиҳ ал-Бухорий” асарида бобларнинг номланиши, муаллақлар, такрорий ҳадислар, ҳадис олишдаги шартлар, бир матнни бошқасидан ажратиш методологияси, қўлёзмалардаги фарқлар, матн билан боғлиқ изланишлар, шунингдек асарга қаратилган танқидларни тадқиқ этишни мақсад қилган. 

Симпозиумда “Саҳиҳ ал-Бухорий”нинг тарихи ва ундаги методология, асардаги ҳадислар, “Саҳиҳ ал-Бухорий”га ёзилган шарҳлар, “Саҳиҳ ал-Бухорий” ва Ислом тамаддуни, “Саҳиҳ ал-Бухорий”га билдирилган танқидлар мавзулари кўриб чиқилади. Симпозиумда маъруза қилиш учун аввал ўрганиб чиқилмаган мавзуларга устунлик берилади.

Симпозиумда қатнашиш учун шу йилнинг 10 мартига қадар маълумотнома (резюмиларни) топшириш керак.

“Саҳиҳ ал-Бухорий” халқаро симпозиумини ўтказиш муддатлари:

Тезисларни (маърузалар) қабул қилишнинг сўнгги муддати: 10 апрель 2019 йил

Ҳужжатларни топшириш муддати: 30 июль 2019 йил

Қабул қилинган маърузаларни эълон қилиш санаси: 5 сентябрь 2019 йил

Халқаро Симпозиумни ўтказиш санаси: 1-3 ноябрь 2019 йил

Симпозиум ҳақида тўлиқ маълумот қуйидаги сайтда инглиз, турк ва араб тилларида мавжуд:

www.meeting.ihu.edu.tr

УЛАШИНГ:

Теглар:

Мавзуга доир:

Бизга Бухорий керакми ёки беодоб тиктокерми?

1360 18:30 09.07.2021

Бизга Бухорий керакми ёки беодоб тиктокерми?!

2920 21:30 06.07.2021

Малайзия ислом илмлари университети (USIM) ва ИБХИТМ ўртасида халқаро алоқаларни ўрнатиш бўйича келишув битими имзоланди

1549 13:40 05.07.2018

Имом Бухорий халқаро илмий-тадқиқот маркази илмий ходимлари китобларининг тақдимоти бўлиб ўтди

1394 23:20 04.07.2018

Имом Бухорийнинг “Саҳиҳул-бухорий” асари қадимий қўлёзма нусхалари кўргазмаси бўлиб ўтди

1619 19:20 04.07.2018
« Орқага