«Салмон Авданинг қатл этилиши давлат қотиллига тенг»

17:00 15.08.2019 1703

Таниқли олим Салмон Авданинг ўғли Абдуллоҳ Guardian газетасига ёзган мақоласида отасининг қамоққа олиниши Саудия Арабистонининг ўзгача фикрловчиларга қарши сиёсатининг бир қисми эканини таъкидлади.

Абдуллоҳ Авданинг фикрига кўра, отасининг қатл этилиши давлат қотиллигига тенг бўлади.

«2017 йилда Саудия Арабистони ҳукуматига Муҳаммад Салмон келганидан бери қатллар сони сезиларли даражада ошди», – дейди у.

Шайх Салмон Авда 2017 йилнинг сентябрида, ҳукуматни Қатар билан ярашишга чақиргандан сўнг ҳибсга олинган. Июль ойи охирида суд Авданинг ишини кўриб чиқишни ноябрга қолдирди. Прокуратура олимга ўлим жазоси берилишини талаб қиляпти.

Салмон Авданинг Твиттерда 14 миллиондан зиёд обуначиси бор эди.

Azon.uz янгиликларини Telegram'да ҳам кузатиб боринг!