Telegram каналимизга аъзо бўлинг
Янгиликлар

Самарқанд бош имом-хатиби хотинини шафқатсизларча калтаклаган эрни тавбага чақирди   

1544

Муқаддас динимизда аёлларнинг алоҳида тутган ўрни бор. Жамиятда унга ўз ҳақ-ҳуқуқларини тиклаб берди. Исломдан олдин нафақат жоҳилият арабларида, балки бутун ер юзида аёл зоти хўрланаётган эди. Бунга тарих гувоҳ. Аёл кишини инсон сифатида тан олишмас эди. Жоҳилият араблари ҳатто ўзларининг қизларидан ҳам нафратланишган. Бу ҳақда Аллоҳ таоло бундай хабар берган:

“Қайси бирларига қиз (кўргани ҳақида) хушхабар берилса, ғазаби келиб, юзлари қорайиб кетади. У (қиз)ни камситган ҳолда олиб қолиш ёки (тириклай) тупроққа қориш (тўғрисида ўй суриб), ўзига хушхабар берилган нарсанинг «ёмон»лигидан (орият қилиб) одамлардан яшириниб олади. Огоҳ бўлингизки, уларнинг бу ҳукмлари жуда ёмондир” (“Наҳл” сураси, 58, 59-оятлар).

Минг афсуслар бўлсинки, бугунги замонамизда ҳам, жаҳолат қолдиқларидан баъзи ҳолатларни кўриб, наҳотки шунчаликка боришадими деб истиғфор айтишдан нарига ўтмайсиз.

Самарқанд шаҳрида юз берган воқеа бутун Ўзбекистон халқини тинчини бузди. Ижтимоий тармоқларда тарқалган аёлнинг эри томонидан шафқатсизларча калтакланиши аёлнинг оиладаги ўрнини билмасликдан бошқа нарса эмас. Кишини яхши ёки ёмон эканини билиш учун динимизда бир қоида бор. Пайғамбаримиз муборак ҳадисларида: “Сизларнинг яхшиларингиз ўз аҳлига яхши муносабатда бўлганингиздир”, деб марҳамат қиладилар. Оила раҳбари эркакнинг зиммасига аҳли-аёлини моддий ва маънавий томонлардан ўз ҳимоясига олиши вазифа қилиниб белгиланган. Шундай экан эр кишилар бу масалада эътиборли бўлишлари жуда зарур.

Ижтмоий тармоқларда тарқалган, қалбни оғритадиган мазкур ҳолатни содир этган эркак кишининг ҳатти-ҳаракати мусулмон кишининг қиладиган иши эмаслигини айтиб ўтамиз. Тезроқ тавбага шошилишини маслаҳат берамиз. Акс ҳолда Аллоҳнинг ғазаби қаттиқдир.
 
Зайниддин ЭШОНҚУЛОВ,

Самарқанд вилоят бош имом-хатиби

УЛАШИНГ:

Теглар:

Мавзуга доир:

Ливан Исроилдан ҳудудларни қайтаришни талаб қилмоқда

105 12:20 29.10.2020

Хушхабар: Умра учун навбат онлайн рўйхатга олинмоқда...

305 12:00 29.10.2020

Россия чегарачилари Қорабоғ яқинида жойлаштирилди

478 11:19 29.10.2020

Шайх Муҳаммад Содиқ Муҳаммад Юсуф: “Қуръон оятларининг насх қилиниши...”

109 11:02 29.10.2020

90 мингдан ортиқ LADA автомобиллари қайтарилади

425 09:50 29.10.2020

Кейинги йил бюджети: қайси соҳага кўпроқ пул ажратилди?

356 09:25 29.10.2020
« Орқага