Таҳлил

«Сардоба иши»ни европалик етук мутахассислар текширади – Шавкат Мирзиёев

1246

15 май куни президентимиз Шавкат Мирзиёев «Сардоба» сув омборидаги техноген офатдан талафот кўрган Сардоба, Оқолтин ва Мирзаобод туманларида бўлиб, аҳоли билан мулоқот қилди. Давлатимиз раҳбари оқолтинлик нуронийлар, маҳалла фаоллари ва хонадон эгалари билан учрашувда сув омборининг ҳудуд учун аҳамияти масаласига тўхталди.

«Албатта, кимдир савол бериши мумкин: шу сув омбори керакмиди-йўқмиди? Бунақа саволлар ҳозир ҳам кўп.

Нима учун Сирдарё ва Жиззах вилоятлари ривожланишда ортда қолган? Сув бўлмагани учун. Деҳқон одам билади, пахтага 5-6 марта сув бериш керак. Нимага бошқа жойларда 40-70 центнер ҳосил олинарди-ю, бу ерда 15 центнер? Чунки икки марта ҳам сув бера олмасдик-да.

Иккинчидан, бирон марта такрорий экин эка олармидик? Сув йўқ эди-ку. Шунинг учун 2010 йил тўғри хулоса бўлган», – деди президент.

Шавкат Мирзиёев техноген офатни таҳлил этиш учун Франция, Туркия ва Россия каби мамлакатлардан дунёнинг энг етук экспертлари келиб, воқеага холисона баҳо беришини маълум қилди.

Президентимиз «Сардоба» сув омборини тиклашда ундан келгусида қандай фойдаланилиши ва бундай ҳодиса такрорланмаслиги ҳисобга олинишини қайд этди.

«Сирдарё ва Жиззах вилоятларини ривожлантириш нуқтаи назаридан – чорвага ҳам, экинларга ҳам, парранда, балиқларга ҳам сув керак. Бу тўғри қарор бўлган. Лекин шундай талафот бўлди, [энди] келажакда ҳар бир қилган ишимизни янада пишиқроқ, пухтароқ, мукаммал қилишимиз керак», – деди Шавкат Мирзиёев.

«Сардоба» фалокатида қанча одам ҳалок бўлди?

«Сардоба» фожиаси: жиноят иши бўйича 4 хил тергов версияси текширилмоқда

Эслатиб ўтамиз, мазкур сув омборининг қурилиш ишлари 2010 йилда бошланиб, 2017 йилда якунига етказилган эди.

4 киши ҳалок бўлиб, бир киши бедарак йўқолишига сабаб бўлган фожиа юзасидан жиноят иши очилган. Тергов ҳаракатлари ДХХ органлари томонидан ўтказилмоқда. Ҳозирга қадар дастлабки гумонланувчилар ёки сув омборининг бузилган 6-пикет деворини қурган қурилиш ташкилоти номи очиқлангани йўқ.

УЛАШИНГ:

Теглар:

Мавзуга доир:

Сардобага ўқитувчиларнинг пулидан йиғиш шартмиди? – Сурхондарё

900 17:30 30.05.2020

Сардоба: хайрияга келган нарсалар ёқиб юбориляптими?

1434 14:38 20.05.2020

Нидерланд мутахассислари Сардоба фожиасини таҳлил қилди

2910 08:30 19.05.2020

«Сардоба» фожиаси: жиноят иши бўйича 4 хил тергов версияси текширилмоқда

1134 17:30 16.05.2020

Ҳалок бўлган икки аёл ким?

1842 16:30 16.05.2020
« Орқага