Telegram каналимизга аъзо бўлинг
Янгиликлар

Саудия Арабистони ва Эрон муносабатлари яхшиланмоқда

1301

Олти йил аввал ўртадаги дипломатик алоқаларни узган Эрон ва Саудия Арабистони элчихоналарни қайта очишга тайёргарлик кўрмоқда.

Эрон парламентининг миллий хавфсизлик ва ташқи сиёсат комиссияси аъзоси Жалил Раҳим Жаҳонободий шанба куни твиттердаги саҳифасида икки давлат ўзаро муносабатларни тиклаш йўлида эканлигини ёзган.

2021 йилнинг апрелидан бери Бағдодда Ироқ ҳукуматининг воситачилигида Саудия ва Эрон муносабатларини юмшатиш бўйича олиб борилган музокаралар натижасида икки давлат дипломатик алоқаларининг ўзаро кескинлашувини бартараф этиш бўйича ҳаракатлар сезиларли даражада кучайган. Мазкур қарама-қаршиликка барҳам бериш ҳаракатлари Эронннг аввалги ҳукумати даврида бошланган ва мамлакатнинг янги раҳбари Иброҳим Раисий даврида ҳам давом этмоқда. 

Шунингдек, ўтган ҳафта Эрон Ташқи ишлар вазирлиги матбуот котиби Саид Хатибзода Теҳрон ва Риёз ўртасида навбатдаги музокаралар режалаштирилаётганини таъкидлаган. Бироқ ушбу жараён айнан қачон ўтказилишига аниқлик киритмаган эди.

Маълумот учун: икки давлат ўртасидаги келишмовчилик 2016 йил январь ойида Саудиядаги таниқли шиалар имоми Нимр ан-Нимрнинг қатл этилиши сабаб Теҳрон ва Машҳаддаги Саудиянинг элчихона ва консуллик биноларига қилинган ҳужумлардан сўнг юзага келган эди.

УЛАШИНГ:

Теглар:

Мавзуга доир:

Туркия сиёсатининг ўзига хослиги: “дўстим – душманим”

1699 12:48 28.01.2023

Кўпгина мусулмон мамлакатлари Швециядаги исломга қарши провокацияни кескин қоралади

1722 17:00 23.01.2023

Саудия Арабистони исломофобнинг Қуръони карим нусхасини ёққани юзасидан баёнот берди

4525 11:21 22.01.2023

Саудия Арабистони: «Фаластин давлатисиз Исроил билан муносабатлар нормаллаштирилмайди»

1053 09:13 22.01.2023

Яманда тинчлик масаласи: музокаралар давом эттирилмоқда

361 10:45 18.01.2023

Эрон ва Саудия Арабистони муносабатлари нормаллашгунга қадар мулоқот давом эттирилади

362 13:10 16.01.2023
« Орқага