Саудия Арабистонида илк бор аёл ўқитувчилар ўғил болаларга дарс беришни бошлайди

14:00 05.09.2019 686

Саудия Арабистони ҳукумати ўғил болалар мактабларида аёл ўқитувчиларнинг ишлашига қўйилган тақиқни олиб ташлашга қарор қилди, дея хабар бермоқда Arab News.

Янги ўқув йилида 1460 та давлат мактабига аёл ўқитувчиларни ишга қабул қилиш бошланади. Жидда таълим бошқармаси бошлиғи ўринбосари Суад ал-Мансурнинг айтишича, Таълим вазирлиги шу орқали тизим самарадорлигини яхшилашни режалаштирган.

Вазирликнинг ҳисоб-китобига кўра, аёл ўқитувчилар бошланғич синфларда ўқийдиган ўғил болаларнинг 13,5 фоизига дарс беради ва бу ярим миллиард доллар маблағни тежашга ёрдам беради. 

Azon.uz янгиликларини Telegram'да ҳам кузатиб боринг!