Саудия Арабистонида яна қор ёғди

12:30 19.02.2019 1205

Саудия Арабистонининг шимоли-ғарбий қисмида ҳаво анча совиди ва тоғли ҳудудларда қор ёғди. Бу ҳақда ТАСС хабар бермоқда.

Баландлиги 2,4 км бўлган Жабал ал-Лауз тоғида қор кўрпаси кундузи ҳам сақланиб қолди ва маҳаллий аҳоли ушбу ғайриоддий ҳолатнинг гувоҳи бўлди. Қайд этилишича, бундай ҳолат Жабал ал-Лауз ҳудудида аввалги йили ҳам кузатилган эди.

“Келгусида бу ерлар қишки курортга айланиши ҳам мумкин”, – дея ёзди Муҳаммад Мустафо исмли маҳаллий яшовчи Твиттерда.

2018 йилнинг ноябри охирларида ҳам Саудия Арабистонининг шимоли-ғарбий ва ғарбий ҳудудларида қор ёққан эди.

Azon.uz янгиликларини Telegram'да ҳам кузатиб боринг!