Саудия нефть қувурларига ҳужум уюштирилди

17:40 15.05.2019 1034

Ҳукуматнинг айтишича учувчисиз самолёт мамлакатдаги нефть қувурларидан бирига ракета зарбаси берган. Яқин шарқ оммавий ахборот воситаларининг маълумотларига кўра, зарба яманлик қўзғолончи хусийлар томонидан уюштирилган. Ҳужумда еттита учувчисиз самолёт иштирок этган. Шунга қарамай зарбалар нефть қувурларига катта зарар етказа олмаган.

Аммо мамлакатнинг шарқий ва ғарбий қисмларини боғлаб турувчи муҳим нефть қувурлар тармоғи фаолиятини бир муддат тўхтатиб туришга тўғри келган. Саудия учун стратегик аҳамиятга эга бўлган объектларга уюштирилган ҳужум ҳақида хусийлар назорати остидаги  Al-Massira телеканали хабар берган, дейди islam-today.ru.

Azon.uz янгиликларини Telegram'да ҳам кузатиб боринг!