Telegram каналимизга аъзо бўлинг
Янгиликлар

Сенат ИИВнинг таклифи рад этди

2351

30 декабрь куни Олий Мажлис Сенатида Одам савдосига ва мажбурий меҳнатга қарши курашиш миллий комиссияси мажлис ўтказди. Уни комиссия раиси – Сенат раҳбари Танзила Норбоева олиб борди.

Мажлисда Ички ишлар вазирининг биринчи ўринбосари Азиз Тошпўлатов хорижий давлатларда одам савдоси қурбони бўлган ва қийин аҳволга тушиб қолган фуқароларни ватанга қайтариб олиб келишдаги муаммолар ҳақида гапирди.

«Бунда асосий муаммоларимиз – йўл харажатлари ва жабрланганларга вақтинча яшаб туришлари учун уй-жой ва озиқ-овқатга сарфланадиган пул маблағларини қоплашга қаратилган жамғарма ёки манба мавжуд эмаслиги. Ҳаттоки чет давлатлардаги консуллик хизматларимизда ҳам шундай муаммолар юзага келмоқда. 

Вазир ўринбосари, шунингдек, одам савдоси жабрдийдаларига ёрдам бериш бўйича республика реабилитация марказида зарурий ёрдам кўрсатилиши халқаро стандартларга мос келмаслигини ҳам қайд этди.

Шунинг учун одам савдоси қурбони бўлган ёки қийин аҳволга тушиб қолган фуқароларга нафақат юқорида айтиб ўтилган ёрдамларни, балки тиббий, ижтимоий, юридик ҳамда бошқа ёрдамларнинг кўрсатилишини инобатга олган ҳолда халқаро экспертлар томонидан берилган тавсиялар асосида одам савдоси жабрдийдалари учун фонд ташкил қилишимиз керак», – деди Тошпўлатов.

Бунга жавобан Сенат раиси Танзила Норбоева барча тузилмалар, жумладан, Хотин-қизлар қўмитаси, Фуқароларнинг ўзини ўзи бошқариш органлари фаолиятини мувофиқлаштириш бўйича Республика кенгаши ва Ёшлар иттифоқида фондлар борлигини айтиб ўтди.

«Ана шу мавжуд фондлардан самарали фойдаланиш керак. Ҳаммаларининг фаолиятида ҳам ана шу йўналиш бор. Ҳамма нодавлат ташкилотларига керагидан ортиқ пул берилган», деди Норбоева.

УЛАШИНГ:

Теглар:

Мавзуга доир:

Кейинги йил газ ва электр нархи ошмайди — Молия вазирлиги

584 11:10 18.12.2020

Аёлларни зўравонликдан ҳимоя қилиш учун мобил илова ишга туширилди

636 20:43 08.12.2020

Франция сенати Тоғли Қорабоғ бўйича иғвогарона резолюцияни қабул қилди

1778 11:06 26.11.2020

Жо Байден – АҚШнинг янги президенти асли ким?

2402 14:05 13.11.2020

Қонун лойиҳасининг ижобий ва... бошқа жиҳатлари

1566 15:20 01.09.2020

Инқирозга қарши кураш жамғармасининг салкам 2 миллиард сўм маблағи талон-тарож қилинган

1226 16:05 07.08.2020
« Орқага