Шарқий Ғута. Бошпанадаги 37 киши тириклайин ёниб кетди

23:55 23.03.2018 930

Суриянинг Шарқий Ғута туманига қарашли Арбин шаҳарчасида ҳукумат кучларининг ҳужуми оқибатида бошпанага яширинган ўнлаб киши тириклайин ёниб кетди, дея хабар бермоқда “Анадолу” агентлиги.

“Оқ каскалилар” гуруҳининг ижтимоий тармоқда тарқатган хабарига кўра, бошпанага самолётдан ташланган бомба 37 кишининг ўлимига сабаб бўлди. Уларнинг аксарияти аёллар ва болалар бўлгани айтилмоқда.

Эслатиб ўтамиз, ҳукумат кучлари исёнчилар назоратида ва беш йилдан бери қамал остида бўлган Шарқий Ғутани қўлга киритиш учун 19 февралда ҳарбий операция бошлаган.

Azon.uz янгиликларини Telegram'да ҳам кузатиб боринг!