Telegram каналимизга аъзо бўлинг
Янгиликлар

Шавкат Мирзиёев: «Биргаликдаги саъй-ҳаракатларни бирлаштириш фурсати келди»

1192

Бугун Тошкент шаҳрида «Марказий ва Жанубий Осиё: минтақавий боғлиқлик. Таҳдидлар ва имкониятлар» мавзусида халқаро конференция ўз ишини бошлади.

Президент Шавкат Мирзиёев ташаббуси билан ташкил этилган мазкур анжуманда Афғонистон Ислом Республикаси Президенти, Покистон Ислом Республикаси Бош вазири, Марказий ва Жанубий Осиё давлатларининг ташқи ишлар вазирлари, жами 44 та мамлакат ва 30 га яқин халқаро ташкилот делегациялари, нуфузли хорижий илмий-тадқиқот ва таҳлил марказлари раҳбарлари иштирок этмоқда.

Конференцияни Ўзбекистон Республикаси Президенти Шавкат Мирзиёев очиб берди.

«Бугун дунё ҳам таҳдидлар, ҳам янги имкониятларни ўзида тутган глобал геосиёсий трансформациялар даврига қадам босди. Бундай шароитда 2 миллиарддан зиёд одам яшаётган Марказий ва Жанубий Осиё ўртасидаги алоқаларнинг қайта тикланиши янада муҳим ва объектив жараёнга айланиб бормоқда. Халқларимизнинг улкан тарихий, илмий ва маънавий-маданий меросидан, иқтисодиётларимизнинг бир-бирини тўлдириб туришидан, интеллектуал салоҳият ва меҳнат ресурсларининг борлигидан келиб чиқиб, биргаликдаги саъй-ҳаракатларни бирлаштириш фурсати келди, деб ўйлайман ва бу, шубҳасиз, катта манфаат келтиради», – деди Шавкат Мирзиёев.

Шунингдек, давлатимиз раҳбари Марказий Осиё билан Жанубий Осиёни самарали ва хавфсиз боғлайдиган транспорт-логистика инфратузилмасини барпо этиш масаласига алоҳида эътибор қаратди. «Термиз - Мозори Шариф – Кобул – Пешовар» темир йўлининг қурилиши бу архитектурада муҳим бўғин бўлади. У икки минтақанинг транзит салоҳиятини тўла юзага чиқариб, юк ташиш масофаси ва вақтини анча қисқартиради. Шу боисдан ҳам, бу лойиҳа иштирокчи давлатлар ва халқаро молия институтлари томонидан қўллаб-қувватланмоқда.

Бундан ташқари, Афғонистон Ислом Республикаси Президенти Ашраф Ғани, Покистон Ислом Республикаси Бош вазири Имрон Хон, Европа Иттифоқининг ташқи ишлар ва хавфсизлик сиёсати бўйича Олий вакили Жозеф Боррел минтақада ҳамкорликни ривожлантириш истиқболлари, бунда мазкур форумнинг аҳамияти ҳақида ўз фикрларини билдириб ўтишди. 

Конференция якунлари бўйича махсус резолюция лойиҳаси тайёрланиб, кўриб чиқиш учун БМТ Бош Ассамблеясига тақдим этиладиган бўлди. Конференция ўз ишини давом эттирмоқда.

УЛАШИНГ:

Теглар:

Мавзуга доир:

Шавкат Мирзиёев ва Гурбангули Бердимуҳаммедов телефон орқали суҳбатлашди

281 16:35 16.05.2022

Бугун Шавкат Мирзиёев Фарғонага ташриф буюради

354 09:50 12.05.2022

«Сув бўлмаса, аҳоли соғлиғи яхши бўлмайди» — Президент Қашқадарёдаги сув муаммолари ҳақида

400 17:53 22.04.2022

Узоқ йиллар умуман бошқалар тарихини, ғалабасини миямизга сингдиришган — Президент Амир Темур ҳақида

658 14:15 21.04.2022

«Инсон қадрини тушунмаган раҳбарларга орамизда ўрин йўқ» — Президент ҳоким ёрдамчилари тамагирликлари ҳақида

417 17:11 19.04.2022

«ОАВга таҳдид қилганлар жавобгарликка тортилиши шарт» — Олимжон Ўсаров

1067 21:12 16.04.2022
« Орқага