Наср

Шайхни жеркиб берди, аммо...

2708

Али Тантовий раҳимаҳуллоҳ Ироққа адабиёт мударриси қилиб тайинланди. Бағдодда пиёда айланди. Сўнгра чанг бўлган ҳолда аудиторияга кирди. Устоз уни талаба деб ўйлаб:
- Эй эшак! Нега кеч қолдинг?-деди.

Шайх Али Тантовий узр сўради. Сўнгра талабалар ёнига бориб ўтирди.

Устоз деди:
- Бугун бу ерга сизларга адабиётдан дарс бериш учун буюк шайх Али Тантовий келади. Мени унинг олдида уялтириб қўйманглар.

Сўнг устоз талабалардан адабиётга оид саволларни сўрай бошлади. "Талаба" Али Тантовий  саволларга мукаммал жавоб берар эди.

Устоз Али Тантовийдан сўради:
- Буҳтарий ва Абу Тамом ўртасини солиштира оласанми?

Тантовий жуда ажойиб жавоб қилди. Шунда устоз хурсанд бўлиб сўради:
- Афтидан сен яхши талабага ўхшайсан. Исминг нима?

Тантовий:
- Исмим Али Тантовий, деди.

Устоз хушидан кетишига оз қолди.

Тантовий айтади:
"Инсонларнинг зоҳирига қараб ҳукм чиқаришни қачон тўхтатамиз?!". 

Абдулқодир Полвонов таржимаси

УЛАШИНГ:

Теглар:

Мавзуга доир:

Яхшиликнинг қудрати

1300 10:00 25.04.2020

Ҳокимнинг ҳадясини олмаган олим

1261 13:00 22.04.2020

Ибн Уқайл ва дурлар шодаси

1334 12:00 22.04.2020

Эчки

6955 15:00 21.04.2020

Фақиҳ  қароқчи ҳақида ажойиб воқеа

1537 09:58 21.04.2020

Асир (37-қисм) (сўнгги қисм)

637 21:00 04.04.2020
« Орқага