Telegram каналимизга аъзо бўлинг
Янгиликлар

Хитойга бойкот эълон қилган боксчининг камари олиб қўйилмади

2429

Шинжон мусулмонларига нисбатан ўтказилаётган қатағонлар туфайли Хитойга бойкот эълон қилган таниқли россиялик боксчи Артур Бетербиев хитойлик Мэн Фаньлунгга қарши жангни бошқа давлатда ўтказади. Бу ҳақда AllBoxing хабар бермоқда. 

Аввалроқ Бетербиев бокс кечаси Хитойда бўлаётгани сабабли жангда қатнашишдан воз кечганини маълум қилган эди. Бунга сабаб қилиб Хитойнинг Шарқий Туркистон, яъни Шинжондаги адолатсиз сиёсатини кўрсатди. Спортчи учрашувни бойкот қилиш билан ярим оғир вазн тоифасида IBF ва WBC чемпионлик камаридан воз кечишга тайёр турганди.

Мусулмон давлатлар Хитой маҳсулотларини бойкот қилишга чақирилмоқда

Энди Бетербиевнинг Хитойни бойкот қилишига ҳожат қолмади. Гап шундаки, ўйин учун аризалар танловида ғолиб бўлган Хитой промоутерлик компанияси Rejoy Group Халқаро бокс федерациясига мажбурий тўловни тўламаган. Шундай қилиб, жангни ўтказиш ҳуқуқи Американинг Top Rank промоутерлик компаниясига ўтди. 
Учрашув 28 март куни ўтказилади. Жанг Москвада ёки Бетербиев машғулотлар ўтказаётган Квебекда (Канада) бўлиб ўтиши мумкин. 

УЛАШИНГ:

Теглар:

Мавзуга доир:

Қозоғистон Шинжон лагерларининг қурбонлари базасини яратувчисига киришни тақиқлади

2402 11:30 08.09.2021

Шарқий Туркистон: масжидлар бузилмоқда, имомлар ҳибсга олинмоқда

6299 11:20 21.05.2021

Немислар ҳам уйғурларга бўлаётган зулмдан норози

3087 08:45 04.02.2020

“Уйғурлар миллий буюмларидан ҳам маҳрум этиляпти”

3534 15:41 16.01.2020

Лагерлардаги уйғурлар “битирувчи” бўлди

3038 18:30 09.12.2019
« Орқага