Шри-Ланкада мусулмонларга қарашли фабрикага ўт қўйилди

16:30 15.05.2019 335

Шри-Ланка пойтахти Коломбода мусулмонларга қарашли фабрика ёқиб юборилган. Бу ҳақда ВВС хабар тарқатди.

Шри-Ланка архиепископи Малкольм Кардинал Ранжит 21 апрелдаги терактлардан кейин мамлакат бўйлаб мусулмонларга нисбатан ортган зўравонликларни қоралади. “Бундай бад ниятли ҳужумлардан қўрқманглар ва сабрли бўлинглар”, – деди у мусулмонларга хитобан. Шунингдек, архиепископ турли миллатлар ва динлар вакиллари тинч-тотув яшайдиган янги Шри-Ланкани биргаликда барпо этишга чақирди.

Шри-Ланкада бир неча кундан бери мусулмонларга, масжидларга ва мусулмонларга қарашли жойларга ҳужумлар давом этмоқда. Кеча Путтахам шаҳрида 45 ёшли мусулмон пичоқлаб ўлдирилди.

Azon.uz янгиликларини Telegram'да ҳам кузатиб боринг!