Иймон

"Шу оқсоқ оёқларим билан жаннатга киришни истайман!"

1299

Амр ибн Жамуҳ розиёллоҳу анҳу жуда қаттиқ оқсар эди. Унинг тўртта баҳодир ва жасур ўғли бўлиб улар Набий саллоллоҳу алайҳи ва саллам билан Бадрда иштирок қилишган эди.

Улар мусулмонлар сафида яна жангга киришмоқчи бўлишганида уларнинг отаси Амр ибн Жамуҳ розиёллоҳу анҳу ҳам жангга қатнашмоқчи эканлигини айтди. Ўғиллари: "Аллоҳ сизни маъзур қилган", деб унашмади.

Амр Расулуллоҳ саллоллоҳу алайҳи ва салламнинг ҳузурларига келиб деди:
- Мени ўғилларим сиз билан жиҳодда иштирок этишимдан ман қилишмоқда. Аллоҳга қасамки, мен мана шу оқсоқ оёқларим билан жаннатга киришни истайман.

Аллоҳнинг элчиси унга қараб дедилар:
- Сени Аллоҳ узрли қилган.

Сўнг унинг ўғилларига қараб дедилар:
- Сизлар эса уни чиқишдан ман қила олмайсиз. Эҳтимол Аллоҳ унга шаҳидликни насиб қилар!

Ўғиллари Амрга рухсат беришди.

У йўлда кетаётиб Пайғамбар алайҳиссаломдан сўради:
- Нима дейсиз, мен Аллоҳ йўлида жанг қилиб шаҳид бўлсам жаннатда оёқларим соғлом бўладими?

Набий саллоллоҳу алайҳи ва саллам:
- Ҳа! - дедилар.

Уҳудда Расули акрам саллоллоҳу алайҳи ва саллам шаҳид бўлганлар орасида айланиб юриб Амр ибн Жамуҳ розиёллоҳу анҳунинг олдида тўхтаб:
- Гўё мен сени жаннатда соғлом оёқларинг билан юрганингни кўраётгандекман! - дедилар.

Амр ибн Жамуҳ розиёллоҳу анҳунинг жасоратига боқинг! Ваҳоланки кўпгина соғлом инсонлар жиҳодга чиқишмаган эди. У чиқди.

Биз қандай ҳолда бўлмайлик Аллоҳ томон юришда давом этишимиз лозим. Ҳеч нарса бизни кишанлаб қўймаслиги керак. Нафсимизга ҳеч нарса оғирлик қилмаслиги лозим. Албатта оғир кунлар ўткинчи, ваъдалашган жойимиз эса иншааллоҳ жаннат!

Инсонларни жаннатга энг кўп яқинлаштирадиган нарса Аллоҳ ризосини истаб қилинадиган амалдир. Аслида агар улар буни қилишмаганда маъзур ҳисобланишар ва уларни ҳеч ким маломат қилмас эди.

Қариндошинг ва яқининг бўлмаса-да, бегоналарга Аллоҳ ризоси учун яхшилик қилишинг жаннат томон қўйилган қадамингдир!

Икки айро эр-хотин ўртасини улар сенга қариндош бўлмаса-да, қайта жамлашга ҳаракат қилишинг, ўртадаги фарзандлари зое бўлишини ўйлаб эзилишинг ва бу билан Аллоҳнинг ризосини исташинг жаннат томон қўйилган қадамингдир!

Сен учун манфаати бўлмаган ҳақни ўз эгасига қайтаришда  Аллоҳ учун ёрдамлашмоғинг жаннат томон қўйилган қадамингдир!

Отасига оқ бўлган фарзандни у сенга ҳеч ким бўлмасада отасига яхшилик қилишга ундамоғинг жаннат томон қўйилган қадамингдир!

Беморни даволатиш учун ҳаракат қилишинг, мискиннинг иш топишига кўмаклашишинг, бир этак болалари билан бева қолган аёлни тиланчилик қилишдан сақлаб қолишинг жаннат томон қўйилган қадамларингдир!

Аллоҳга қилинган энг буюк ибодат Унинг махлуқотларига қилинган яхшиликдир!
  

Абдулқодир Полвонов

УЛАШИНГ:

Теглар:

Мавзуга доир:

Пандемия даврида Ўзбекистонга кириш ва чиқиш тартиби қандай?

468 20:19 11.08.2020

Мисрда таҳсил олаётган ўзбекистонлик талабалар ватанга олиб келинди

541 19:16 11.08.2020

Ниқобсиз ва жарималарсиз карантин. Корея бу билан нимага эришди?

764 18:11 11.08.2020

Президент инсон ҳуқуқларига оид фармон имзолади. Суд ва тергов тизимида ўзгаришлар бўладими?

212 17:20 11.08.2020

Польша Белоруссиядаги вазият сабабли ЕИ раҳбарлари саммитини чақиришни талаб қилди

224 16:45 11.08.2020

Араб қироллари Трампнинг қайта сайланишидан манфаатдор

390 16:15 11.08.2020
« Орқага