Даниялик исломофоб сиёсатчи Расмус Палуданнинг Малмьё шаҳридаги (Швеция) масжид олдида Қуръони каримни ёқишига полиция рухсат бермади.
“Анадолу” агентлиги хабарига кўра, Палудан 28 август куни жума намозидан аввал Қуръонни ёқиш учун полициядан рухсат сўраган, бироқ швед полицияси бунга қарши чиққан. Палуданнинг фикрича, Мальмё мусулмонлар томонидан “ишғол” қилиб олинган. Уни Швецияга Дэн Парк исмли рассом таклиф қилган эди.
38 ёшли Расмус Палудан ўтган йили ўзига ўхшаган ҳамтовоқлари билан Дания пойтахти Копенгагенда Қуръон китобларини ёққан, бу Ратуша майдонидаги ифтор ўтказилганига жавоб эканини айтган эди. У Данияда исломнинг тақиқланиши ва ғарблик бўлмаган иммигрантларнинг депортация қилиниши тарафдори. Ирқчилиги учун жазога тортилган.
Байден Исломни ҳурмат қилишга ваъда берди, Трамп уни динсизликда айблади
